bhalamedia.com

మంచి ఫామ్ లో ఉన్న టీమిండియా బ్యాట్స్ మెన్ సూర్య కుమార్ యాదవ్ ఇండియన్ క్రికెట్ హిస్టరీలో ఆల్ టైమ్ రికార్డు సృష్టించాడు. టీ20 ఫార్మాట్ లో 900 పాయింట్లను సాధించిన ఫస్ట్ ఇండియన్ క్రికెటర్ గా రికార్డును తన ఖాతాలో వేసుకున్నాడు.

టీ20 హిస్టరీలో ఇప్పటి వరకు ఇద్దరే ఇద్దరు ప్లేయర్స్ 900 పాయింట్లను సాధించారు. డేవిడ్ మలాన్, అరోన్ ఫించ్ మాత్రమే ఈ రికార్డు క్రియేట్ చేయగా.. ఇండియా తరఫున సూర్య కుమార్ యాదవ్ 908 పాయింట్లు సాధించి రికార్డు క్రియేట్ చేశాడు. అత్యధిక పాయింట్ల రికార్డు డేవిడ్ మలాన్ పేరిట ఉండగా.. సూర్య కుమార్ యాదవ్ మరో భారీ ఇన్నింగ్స్ కనుక ఆడితే ఆ రికార్డు కూడా బద్దలు కొట్టే అవకాశం ఉంది. ప్రస్తుతం ర్యాంకింగ్స్ పరంగా చూస్తే సూర్యనే ఫస్ట్ ప్లేస్ లో ఉన్నాడు.

ఇప్పటి వరకు అన్ని ఫార్మాట్లలోనూ అత్యధిక పాయింట్లు సాధించిన రికార్డు కోహ్లీ పేరిట ఉండగా.. టీ20 రికార్డును సూర్య బ్రేక్ చేశాడు. ఆ తర్వాత టెస్టు, వన్ డే ఫార్మాట్లలో కోహ్లీ రికార్డు కొనసాగుతోంది. ప్రస్తుతం శ్రీలంకతో జరుగుతున్న సిరీస్ లో సూర్య కుమార్ యాదవ్ ఇదే ఫామ్ కంటిన్యూ చేస్తే మరిన్ని రికార్డులు అతడి పేరు మీదకు వచ్చేస్తాయి.

ఎల్‌ఏసీ అయినా పీవోకే అయినా.. భారత సరిహద్దుల్లో ఎక్కడి నుంచైనా శత్రువు ఎంట్రీ ఇవ్వాలని ప్లాన్ చేస్తే సీన్ రివర్సే. లఢఖ్ అయినా, చికెన్స్ నెక్ నుంచైనా డ్రాగన్ తోకజాడిస్తే తల తెగిపోవడం ఖాయం. ఎందుకంటే.. ఇప్పటికే శత్రుభీకరంగా తయారైన భారత రక్షణ వ్యవస్థలో ఇప్పుడు అంతకుమించిన వెపన్స్ ఎంట్రీ ఫైనల్ అయిపోయింది. ఆయుధాలే కాదు ఆలోచనలుకూడా మారాయి. పద్ధతిగా ఉన్నంతసేపే శాంతి, కాదని కన్నింగ్ ఆలోచనలు చేసినా, కొత్త కుట్రలకు ట్రై చేసినా శత్రువుకు మిగిలేది అశాంతే. రీసెంట్‌గా రక్షణ శాఖ మంత్రి రాజ్‌నాథ్ సింగ్ అధ్యక్షతన జరిగిన డిఫెన్స్ అక్విజిషన్ కౌన్సిల్ సమావేశం గురించి కొంచెం తెలి సినా శత్రు దేశాలు అలర్ట్ అయిపోతాయి. దీనికి కారణం ఆ సమావేశంలో తీసుకున్న సంచలన నిర్ణయాలే.

చైనా, పాకిస్థాన్ సరిహద్దులో కొనసాగుతున్న ప్రతిష్టంభన నేపథ్యంలో క్షిపణులు, వాయు రక్షణ ఆయుధాల కొనుగోలుకు డిఫెన్స్ అక్విజిషన్ కౌన్సిల్ సమావేశం ఆమోదం తెలిపింది. స్వదేశీ హెలికాప్టర్‌తో ప్రయోగించే యాంటీ ట్యాంక్ గైడెడ్ క్షిపణులు, వాయు రక్షణ ఆయుధాలు, బ్రహ్మోస్ సూపర్‌సోనిక్ క్రూయిజ్ క్షిపణులతో తమ యుద్ధనౌకలను సమకూర్చుకునేలా ఆర్మీ, నేవీ 4వేల 276 కోట్ల విలువైన మూడు ప్రతిపాదనలకు ఆమోదం దొరికింది. ఇక యాక్షన్‌లోకి దిగిపోవడం ఒక్కటే బ్యాలెన్స్.
ఇదంతా ఒకెత్తయితే ఇటీవలే అరుణాచల్ ప్రదేశ్‌లో పర్యటించిన రక్షణమంత్రి పలు కీలక ప్రాజెక్టులు ప్రారంభించారు. వాటిలో భారత్, చైనా సరిహద్దు సమీపంలోని సియాంగ్‌లో 100 మీటర్ల పొడవైన క్లాస్-70 వంతెన ఒకటి. భారత భద్రత సన్నాహాలను పెంచే పనిలో భాగంగా వంతెన ప్రారంభించినట్లు రక్షణ మంత్రి రాజ్‌నాథ్ సింగ్ తెలిపారు. సియాంగ్ జిల్లాలోని అలాంగ్-యింగ్‌కియాంగ్ రహదారిపై నిర్మించిన ఈ వంతెన 70 టన్నుల బరువును తట్టుకోగలదు. అంటే, ఆర్మీ యూనిట్లు, టీ90 వంటి భారీ తుపాకులు, ఉపరితలం నుంచి గగనతలంలోకి ప్రయోగించే క్షిపణులు, ఇతర యుద్ధ సామగ్రిని ఈజీగా తరలించొచ్చు. ఇది మాత్రమే కాదు క్లాస్-70 వంతెనతో పాటు ఇటీవల కాలంలో దేశ ఈశాన్య సరిహద్దు నుంచి పశ్చిమ సరిహద్దు వరకు ఉన్న రాష్ట్రాలలో రోడ్లు, వంతెనలు, టన్నెల్స్ వంటి 27 రవాణా ప్రాజెక్టులను రక్షణ మంత్రి ప్రారంభించారు. గత రెండేళ్ల కాలంలో 5 వేల కోట్లకు పైగా ఖర్చుతో సరిహద్దు ప్రాంతాలలో 200కిపైగా ప్రాజెక్టులు పూర్తి చేసినట్లు రక్షణ మంత్రిత్వ శాఖ గణాంకాలు చెప్తున్నాయి.

తైవాన్ తమలో అంతర్భాగం అంటూ వాదిస్తూ.. సమయం చూసి తైవాన్ ను ఆక్రమించి తమలో కలుపుకోవాలని గోతికాడి నక్కలా ఎదురు చూస్తున్న చైనాకు.. థింక్ టాంక్ అనే మాగజైన్ షాకింగ్ న్యూస్ చెప్పింది. ఒక వేళ చైనా కనుక తైవాన్ ను ఆక్రమించాలని ప్రయత్నించి యుద్ధానికి దిగితే జరిగేది ఏమిటో అంచనా వేసి ప్రచురించింది. చైనాకు కొన్ని వేల మంది సైనికుల ప్రాణ నష్టంతో పాటు కనీసం 150 ఫైటర్ విమానాలు కాలిపోవటం.. ఇంకా కొన్ని లక్షల కోట్ల రూపాయల నష్టాన్ని చవిచూడాల్సి వస్తుందని పేర్కొంది. స్టాక్ మార్కెట్ కుప్పకూలి చైనా ఆర్థిక వ్యవస్థ వినాశనం దిశగా వెళ్తుందనీ.. మళ్ళీ చైనా కోలుకోవాలంటే కొన్ని దశాబ్ధాలు పట్టొచ్చనీ చెప్తోంది థింక్ టాంక్. తైవాన్ కు కూడా నష్టం తప్పదనీ.. కాకపోతే చిన్న దేశం తైవాన్ ను ఆదుకునేందుకు అమెరికా భారత్ లాంటి దేశాలు ముందుకొస్తాయనీ.. దీని వల్ల తైవాన్ యధాస్థితికి చేరుకోటానికి పెద్ద సమయం పట్టకపోవచ్చనీ చెప్పింది.
చైనా గనుక యుద్ధం దిశగా ఆలోచన చేస్తే అది మిగితా ప్రపంచానికి కూడా తీవ్ర నష్టాలపాలు చేస్తుందని థింక్ టాంక్ పేర్కొంది. ఇదంతా పక్కన పెడితే.. చైనా బెదిరిస్తుందే తప్ప యుద్ధం చేసేంత ధైర్యం చైనాకు అస్సలు లేదని అంతర్జాతీయ విశ్లేషకుల భావన. శక్తివంతమైన ఆయుధాలున్నాయనీ.. యుద్ధం భయానకంగా ఉండబోతోందనీ బెదిరింపులకు దిగటం తప్ప.. యుద్ధాన్ని తట్టుకునే స్థితిలో చైనా లేదని వారి అభిప్రాయం. భారత్ పై కూడా చైనా ఇదే చేస్తోంది. తరచూ సరిహద్దుల్లో చైనా ఆర్మీ ముందుకు రావటం.. ఇండియన్ ఆర్మీ చేతుల్లో చావుదెబ్బలు తిని వెను దిరగటం తప్ప యుద్ధం చేయదు.

టెలీకామ్ దిగ్గజం రిలయన్స్ జియో.. మరో బంపర్ ఆఫర్ తో యూజర్ల ముందుకు రానుంది. వచ్చే ఐపీఎల్ సీజన్ ను ఎలాంటి సబ్ స్క్రిప్షన్ లేకుండా ఫ్రీగా స్ట్రీమింగ్ చేయబోతున్నట్టు సమాచారం. ప్రస్తుతానికి ఐపీఎల్ చూడాలంటే డిస్నీ ప్లస్ హాట్ స్టార్ సబ్ స్క్రిప్షన్ కొనాల్సి ఉంది. కానీ వచ్చే ఐపీఎల్ ప్రసార హక్కులు రిలయన్స్ దక్కించుకున్న విషయం తెలిసిందే. కానీ ఈ సీజన్ స్ట్రీమింగ్ కోసం ఎలాంటి ఫీజు చెల్లించవలసిన అవసరం లేకుండా ఫ్రీగా చూసేందుకు ఐపీఎల్ ఫ్యాన్స్ కు జియో బంపర్ ఆఫర్ ఇచ్చింది. దీనిపై అఫీషియల్ గా ఎలాంటి అనౌన్స్ మెంట్ రాకపోయినా.. త్వరలోనే ఈ ప్రకటన వెలువడే అవకాశం ఉంది.
ఫ్రీ సిమ్ కార్డు.. ఫ్రీ ఇంటర్నెట్ అంటూ మార్కెట్లోకి వచ్చి దిగ్గజ టెలికాం కంపెనీలను పక్కకు నెట్టి మార్కెట్ వాటాను ఆక్రమించిన రిలయన్స్ జియోలాంటి పథకమే ఇది. ఐపీఎల్ ఫ్రీగా టెలీకాస్ట్ చేసి.. ఆ తర్వాత విపరీతమైన సబ్ స్క్రిప్షన్ ను సంపాదించాలనేది రిలయన్స్ వ్యూహం. వ్యూహమేదైనా.. ఐపీఎల్ ఫ్రీగా రావటం ఫ్యాన్స్ కు గుడ్ న్యూసే.