bhalamedia.com

లిక్కర్ ఆదాయాన్ని గణనీయంగా పెంచుకోవాలనే ఉద్దేశంతో తమిళనాడు డీఎంకే సర్కార్ సంచలన నిర్ణయం తీసుకుంది. రాష్ట్రవ్యాప్తంగా లిక్కర్ ను డోర్ డెలివరీ చేసే సరికొత్త సౌకర్యాన్ని ప్రవేశపెట్టబోతోంది. ఇప్పటికే ఇందుకు అన్ని ఏర్పాట్లను సిద్ధం చేసింది. పెళ్ళిళ్ళు, రిసెప్షన్లు, పుట్టినరోజు వేడుకలు, కొత్త సంవత్సరం వేడుకలు.. ఇలా సందర్భానికి తగినట్టు ఆయా వేడుకల్లో మద్యం సేవించేందుకు అధికారికంగా అనుమతులు ఇచ్చే సరికొత్త లైసెన్స్ విధానం త్వరలోనే అమలు కాబోతోంది. ఎఫ్ఎల్ 12 అనే సరికొత్త లిక్కర్ లైసెన్సింగ్ విధానాన్ని అమలులోకి తీసుకురాబోతున్నట్టు ప్రభుత్వం అధికారికంగానే ప్రకటించింది. దీనికి సంబంధించిన నోటిఫికేషన్ ను కూడా తమిళనాడు ఎక్సైజ్ డిపార్ట్ మెంట్ గత నెలలోనే జారీ చేయటం విశేషం.
ఇళ్ళలో లేదా క్లబ్ లేదా ఫంక్షన్ హాల్.. ఇలా ఏదైనా ఓ చోట పెళ్ళి లేదా మరేదైనా వేడుకలో మద్యం తాగేందుకు ఒకటి లేదా రెండు రోజులకు లైసెన్స్ ఇస్తారు. ఈ లైసెన్స్ తీసుకున్న వారికి ఆయా వేడుకల్లో అతిథులు సేవించటానికి మద్యం సరఫరా చేస్తారు. ఈ లైసెన్స్ కోసం వారం రోజుల ముందు ఎక్సైజ్ శాఖకు సంబంధించిన కొత్త వెబ్ సైట్లో అప్లికేషన్ పెట్టుకోవాల్సి ఉంటుంది. ఇలా సరఫరా చేయాలనుకునే వారు ముందుగా ప్రభుత్వానికి రిజిస్ట్రేషన్ ఫీజు చెల్లించి లైసెన్స్ వచ్చిన తర్వాత వారి వారి ఏరియాల్లో మద్యం సరఫరా చేసుకోవచ్చు. కమర్షియల్ ఈవెంట్ల కోసం అయితే కార్పోరేషన్లలో సంవత్సరానికి లక్ష రూపాయలు, మున్సిపాలిటీలలో 75 వేలు, ఇతర ప్రదేశాల్లో 50వేలు లైసెన్స్ ఫీజుగా ప్రభుత్వానికి చెల్లించాలి. ఇక ఇళ్ళలో జరిగే ఫంక్షన్లకు లిక్కర్ సరఫరా చేయటానికి ఇచ్చే లైసెన్స్ ను నాన్ కమర్షియల్ లైసెన్స్ గా పేర్కొంటారు. ఈ పద్ధతిలో ఒక్క రోజు లైసెన్స్ కోసం మున్సిపల్ కార్పోరేషన్లలో 11 వేలు, మున్సిపాలిటీలలో 7500, గ్రామాల్లో మరియు ఇతర ప్రాంతాల్లో 5 వేలు చెల్లించాలి. తమిళనాడు ప్రభుత్వం తీసుకున్న నిర్ణయం దేశవ్యాప్తంగా చర్చనీయాంశంగా మారింది. కేవలం లిక్కర్ పై వచ్చే ఆదాయంపైనే ఎక్కువ శాతం ఆధారపడాల్సి వచ్చిన రాష్ట్రాలకు ఇదో మార్గదర్శకం లాంటిది. త్వరలోనే తమిళనాటు బాటలోనేే మరిన్ని రాష్ట్రాలు లిక్కర్ హోమ్ డెలివరీ విషయంలో కొత్త లిక్కర్ పాలసీలు తీసుకువచ్చే అవకాశాలు ఉన్నాయి.

పరువు నష్టం కేసులో జైలు శిక్ష పడిన మాజీ పార్లమెంట్ సభ్యుడు రాహుల్ గాంధీ ఆయన అధికారిక నివాసాన్ని ఖాళీ చేసి తన తల్లి సోనియా నివాసానికి వెళ్ళిపోయాడు. కేరళలోని వయనాడ్ నుంచి ఎంపీగా గెలుపొందిన రాహుల్ గాంధీ 2005 ఏప్రిల్ 22న ఢిల్లీ లోని తుగ్లక్ లేన్ 12వ ప్రభుత్వ అధికారిక నివాసానికి మారాడు. సరిగ్గా ఇప్పుడు ఏప్రిల్ 22వ తేదీనే రాహుల్ తన అధికారిక గృహాన్ని యాధృచ్ఛికంగా ఖాళీ చేయాల్సి వచ్చింది. 10 జన్ పథ్ లోని సోనియా అధికారిక నివాసానికి రాహుల్ తన సామాగ్రిని షిఫ్ట్ చేసుకున్నాడు. పార్లమెంట్ సభ్యత్వాన్ని కోల్పోయిన వెంటనే ఎంపీలు తమ అధికారిక నివాసాలను ఖాళీ చేయాల్సి ఉంటుంది. ప్రోటోకాల్ ప్రకారం అధికారులు నోటీసులు ఇచ్చి రాహుల్ ను ఇల్లు ఖాళీ చేయిస్తే.. కాంగ్రెస్ మాత్రం బీజేపీ రాహుల్ పై కక్ష సాధిస్తున్నదంటూ ఆరోపణలు చేస్తోంది. బీజేపీ నేతలు మాత్రం చేసుకున్న ఖర్మకు ఫలితం అను‌భవించక తప్పదంటూ హిత బోధ చేస్తున్నారు.
లోక్ సభ సాధారణ ఎన్నికల సందర్భంగా కర్ణాటకలోని కోలార్ ఎన్నికల ప్రచారసభలో ప్రసంగిస్తున్న రాహుల్ గాంధీ.. దొంగలందరికీ మోడీ అనే ఇంటి పేరు ఉంటుంది ఎందుకో.. అంటూ పరోక్షంగా ప్రధాని మోడీని లక్ష్యంగా చేసుకొని వివాదాస్ఫద వ్యాఖ్య చేయగా.. గుజరాత్ ఎమ్మెల్యే అయిన పూర్ణేశ్ మోడీ రాహుల్ పై పరువునష్టం కేసు దాఖలు చేశాడు. గత నెల ఈ కేసును విచారించిన గుజరాత్ లోని సూరత్ కోర్టు రాహుల్ కు రెండేళ్ళ జైలు శిక్ష విధిస్తూ తీర్పునిచ్చింది. సూరత్ కోర్టుపై కౌంటర్ పిటిషన్ దాఖలు చేసినప్పటికీ రాహుల్ కు ఎదురుదెబ్బ తప్పలేదు. ప్రస్తుతం రాహుల్ ఆండ్ టీమ్ సుప్రీంకోర్టుకు వెళ్ళే ఆలోచనలో ఉన్నారు. ఇక్కడ కూడా రాహుల్ గాంధీకి చుక్కెదురైతే ఇక రాహుల్ రాజకీయ జీవితం ముగిసినట్టే అనే అంచనాలు వినిపిస్తున్నాయి.

ప్రధానమంత్రి మోదీ పర్యటనపై ఆత్మాహుతి దాడి చేస్తామంటూ బీజేపీ కార్యాలయానికి వచ్చిన బెదిరింపు లేఖతో కేరళ రాష్ట్రవ్యాప్తంగా హై అలర్ట్ ప్రకటించారు. వారం రోజుల క్రితమే రాష్ట్ర బీజేపీ కార్యాలయానికి ఈ లేఖ వచ్చినప్పటికీ బీజేపీ నేతలు దీన్ని దాచి ఉంచారు. కాకపోతే.. లేఖ అందగానే బీజేపీ రాష్ట్ర అధ్యక్షుడు కే.సురేంద్రన్ ఈ లేఖతో పాటు మిగతా వివరాలను ఇంటలిజెన్స్ విభాగం డైరెక్టర్ జనరల్ కు అందజేశారు. ప్రధాని మోదీ పర్యటనకు సంబంధించిన సెక్యూరిటీ ప్రోటోకాల్ అంశాలు మీడియాకు లీక్ కావటంతో అందులోని ఈ లేఖ విషయం కూడా బయటకు వచ్చింది. రసహ్యంగా ఉంచాల్సిన లేఖ విషయం లీక్ కావటంపై కేంద్ర హోం శాఖ సహాయ మంత్రి మురళీధరన్ ఆగ్రహం వ్యక్తం చేశారు. వెంటనే దీనిపై సమగ్ర దర్యాప్తు జరిపించాలంటూ కేరళ పోలీసు శాఖను ఆదేశించారు.
ఏప్రిల్ 24న ప్రధాని మోదీ కేరళలో పర్యటించనున్నారు. కొచ్చిలో పలు అభివృద్ధి కార్యక్రమాలను ప్రారంభించటంతో పాటు తిరువనంతపురంలో వందే భారత్ ఎక్స్ ప్రెస్ ను మోదీ ప్రారంభించనున్నారు. బెదిరింపు లేఖ నేపథ్యంలో మోదీ కేరళ పర్యటన రద్దు అవుతుందంటూ వార్తలు రాగా.. దీనిపై కేరళ బీజేపీ స్పందించింది. మోదీ పర్యటన యధావిధిగా ఉంటుందంటూ స్పష్టం చేసింది. కశ్మీర్ లో జీ20 సదస్సు నిర్వహణపై పాకిస్తాన్ నుంచి హెచ్చరికలు రావటం.. అతీక్ అహ్మద్ హత్య తర్వాత తీవ్రవాద సంస్థల నుంచి హెచ్చరికలు రావటం.. ఇప్పుడు కేరళలో ఆత్మాహుతి దాడి చేస్తామంటూ హెచ్చరికలు రావటం.. అన్నింటి వెనుక ఉన్నది ఒక్క కుట్ర కోణమే అనేది ఇంటలిజెన్స్ అనుమానం. ఆర్టికల్ 370 రద్దు తర్వాత కశ్మీర్ లో పరిస్థితులు అద్బుతంగా ఉన్నాయని నిరూపించేందుకే బీజేపీ ప్రభుత్వం కశ్మీర్ లో జీ-20 సదస్సు నిర్వహించేందుకు సిద్ధపడింది. కానీ.. కశ్మీర్ లో పరిస్థితులు ప్రశాంతంగా ఉన్నాయన్న విషయం బయట ప్రపంచానికి తెలియటం ఇష్టంలేని పాకిస్తాన్, చైనా దేశాలు ఇలా తీవ్రవాద సంస్థలతో బెదిరింపులకు పాల్పడుతున్నాయి. ఇలాంటి సందర్భంలో బీజేపీ ప్రభుత్వం ఎలాంటి నిర్ణయం తీసుకుంటుంది అనేది ప్రపంచ వ్యాప్తంగా అత్యంత ఆసక్తికరమైన విషయంగా మారింది.