bhalamedia.com

2016లో భారత ప్రభుత్వం పెద్ద నోట్ల రద్దు చేస్తూ సంచలన నిర్ణయం తీసుకున్న విషయం తెలిసిందే. దేశవ్యాప్తంగా లెక్కలోకి రాకుండా దాచి ఉంచిన బ్లాక్ మనీని వెలికి తీసింది ఈ నిర్ణయం. బ్లాక్ ను వైట్ చేయాలంటే ఉన్న సొమ్ము మొత్తం బ్యాంకులో డిపాజిట్ చేసి లెక్క చెప్పాల్సి రావటంతో కొన్ని వేల కోట్ల బ్లాక్ మనీ బయటపడింది. అలాగే.. బ్లాక్ మనీని వైట్ చేయలేని పన్ను ఎగవేతదారులు లక్షల కొద్దీ కరెన్సీ నోట్లను కాల్చివేయటమో లేక రోడ్లపై విసిరి వేయటమో జరిగింది. ఏది ఏమైనా.. లెక్కల్లోకి రాని వేల కోట్ల ధనం మాత్రం లీగల్ చేయబడింది. ఇప్పుడు పాకిస్తాన్ కూడా ఇలాంటి నిర్ణయమే తీసుకోబోతున్నట్టు సమాచారం. గత మూడేళ్ళుగా పాకిస్తాన్ లో కరువు తాండవిస్తోంది. విదేశీ మారకద్రవ్యం లేక పాకిస్తాన్ ప్రపంచం ముందు చిప్ప చేతితో పట్టుకొని భిక్షమెత్తుకుంటున్నది. ఏ దేశం సాయం చేస్తుందా అని ఎదురు చూస్తోంది. ఇలాంటి తరుణంలో పాకిస్తాన్ కు చెందిన కొంత మంది ఆర్థిక వేత్తలు పాక్ ప్రభుత్వానికి నోట్లు రద్దు చేయాలంటూ సలహా ఇస్తున్నారు.
పాకిస్తాన్ లో చలామణీలో ఉన్న 5 వేల నోట్లను రద్దు చేస్తే సుమారుగా 8 లక్షల కోట్ల రూపాయలు ఖజానాకు జమ అవుతాయంటూ ఫైనాన్షియల్ నిపుణులు సలహా ఇస్తున్నారు. 5 వేల నోట్లను రద్దు చేసి వాటిని బ్యాంకుల్లో డిపాజిట్ చేసుకోవటం ద్వారా పాకిస్తాన్ బ్యాంకింగ్ లో భారీగా నగదు ఫ్లో అవుతుందనీ.. తద్వారా పాకిస్తాన్ ఎకానమీ గాడిన పడే అవకాశం వస్తుందని చెప్తున్నారు. ఇదే సందర్భంలో వంద, 5 వందలు, వెయ్యి నోట్లు కొత్తగా ప్రింట్ చేసి రెడీగా ఉంచుకోవాలని కూడా సూచిస్తున్నారట. కాకపోతే పాకిస్తాన్ ప్రభుత్వం మాత్రం ఇంత భారీ నిర్ణయం తీసుకునే అవకాశాలు లేనట్టే. ప్రస్తుతం పాకిస్తాన్ ను ప్రభుత్వం కంటే సైన్యమే నడిపిస్తోంది. ఆర్మీకి జీతాలే చెల్లించలేని పరిస్థితుల్లో నోట్ల రద్దు చేసి కొత్త ప్రయోగం చేసే ధైర్యం ఆ దేశ ప్రభుత్వం కానీ ఆర్మీ కానీ చేసే అ‌వకాశాలు లేవనే చెప్పుకోవాలి.

కునో నేషనల్‌ పార్క్‌లో చీతాల మనుగడ సాధ్యమేనా అనేది.. ప్రాజెక్ట్‌ చీతాను కేంద్రం ప్రారంభించిన కొత్తలో చాలామంది మేధావులు వ్యక్తం వేసిన ప్రశ్న.కానీ కేంద్ర ప్రభుత్వం మాత్రం ఈ ప్రాజెక్టును సవాల్‌గా తీసుకుంది. ప్రతిష్టాత్మకంగా దాదాపు వంద కోట్ల ఖర్చుతో ఈ ప్రాజెక్టును ముందుకు తీసుకెళ్తోంది. సౌతాఫ్రికా, నమీబియా నుంచి భారత్‌కు రప్పించిన 20 చీతాలను నెలల పాటు పర్యవేక్షించి.. కునోలోకి వదిలింది. కానీ, అంతా సవ్యంగా సాగిపోతుందనుకున్న సమయంలో.. నెల వ్యవధిలోనే రెండు చీతాలు కన్నుమూశాయి. నమీబియా నుంచి తీసుకొచ్చిన వాటిలో సాషా అనే ఆడ చీతా మార్చిలో కిడ్నీ వ్యాధితో మృతి చెందగా, దక్షిణాఫ్రికా నుంచి తీసుకొచ్చిన వాటిలో ఉదయ్ అనే మగ చీతా.. ఇటీవలే మృతిచెందింది. ఈ రెండు మరణాలు కేవలం నెలరోజుల గ్యాప్‌లోనే జరిగాయి. ఆ రెండూ ఇన్‌ఫెక్షన్‌లతోనే కన్నుమూశాయని అటవీ అధికారులు ప్రకటించారు. అయితే, ఈ పరిస్థితిపై సౌతాఫ్రికా అటవీ శాఖ ఆసక్తికర వ్యాఖ్యలు చేసింది. ఈ వ్యాఖ్యలే ఇప్పుడు కొత్త చర్చకు తావిస్తున్నాయి.
మధ్యప్రదేశ్‌ కునో నేషనల్‌ పార్క్‌లో చీతాల మృతిని ముందుగానే ఊహించామని ప్రకటించింది దక్షిణాఫ్రికా. ఈ తరహా ప్రాజెక్టులు చేపట్టినప్పుడు మరణాల రేటు ఉంటుందని మేం గతంలోనే అంచనా వేశామని దక్షిణాఫ్రికా అటవీ, మత్స్య, పర్యావరణ శాఖ వివరించింది. పెద్ద మాంసాహార జంతువులను ఒకచోటు నుంచి మరొక చోటుకు తరలించి వాటిని జాగ్రత్తగా చూసుకోవడమనేది సహజంగానే చాలా సంక్లిష్టమైన ప్రక్రియ అని పేర్కొంది. ప్రస్తుతం క్లిష్టమైన దశ సాగుతుందని.. చీతాలకు గాయాలు, మరణాలు, ప్రమాదాలు.. ఇవన్నీ ప్రాజెక్టులో భాగమే అని తెలిపింది. దక్షిణాఫ్రికా నుంచి తీసుకొచ్చిన చిరుతలన్నీ పెద్ద ఎన్‌క్లోజర్‌లో ఉన్నాయి. ప్రతి రోజూ రెండుసార్లైనా వాటిని నిశితంగా పరిశీలించాలి. వాటి ప్రవర్తన, కదలికలు, శరీర స్థితిని దూరం నుంచి అంచనా వేయాలి. ఇలా చేయడం వల్ల చిరుతల ఆరోగ్య పరిస్థితి గురించి అంచనాకు రాగలం అని వివరించింది.
దక్షిణాఫ్రికా నుంచి తీసుకొచ్చిన చిరుతలన్నీ పెద్ద ఎన్‌క్లోజర్‌లలో ఉన్నాయి. ప్రతిరోజూ రెండుసార్లు వాటిని నిశితంగా పరిశీలిస్తారు. అవి అడవి చిరుతలు కాబట్టి, వాటి ప్రవర్తన, కదలికలు, శరీర స్థితిని దూరం నుండి అంచనా వేయాల్సి ఉంటుందని సౌతాఫ్రికా చెబుతోంది. కూనో లాంటి పెద్ద ఫారెస్ట్‌లో వాటిని మానిటర్ చేయడం కష్టమైన పనిగా అభివర్ణించింది. ఇదే సమయంలో చీతాల మరణాలు మరింత పెరిగే ప్రమాదం కూడా ఉందని అంచనా వేసింది. సౌతాఫ్రికా నుంచి ఇలాంటి రియాక్షన్ వచ్చిన తర్వాత చీతాల మనుగడపై పలు విశ్వేషణలు తెరపైకి వస్తున్నాయి. అమెరికా ప్రభుత్వం నేషనల్ సెంటర్ ఆఫ్ బయోటెక్నాలజీ ఇన్ఫర్మేషన్ 2014 నుంచి బందీలో ఉన్న 19వందల 67 చీతాలపై చేసిన పరిశోధనలో చీతాలు అంతరించిపోడానికి కారణం మూత్రపిండాల వైఫల్యమే అని తేలింది. బోనులో లేదా నియంత్రిత వాతావరణంలో నివసించే చీతాలు అధిక ఒత్తిడికి గురవుతాయని, అది వాటి మూత్రపిండాలపై ప్రభావం చూపుతుందని పరిశోధన నిర్ధారించింది. దీంతో కూనో నేషనల్ పార్క్‌లో ఉండే చీతాలు ఎంతవరకూ సేఫ్ అనే చర్చ మొదలైంది.
ప్రాజెక్ట్‌ చీతాలో భాగంగా ఆఫ్రికా నుంచి తీసుకొచ్చిన చీతాలు మన వాతావరణానికి అలవాటు పడేందుకు కునో నేషనల్ పార్క్‌లో వదిలే ముందు నెలరోజులపాటు క్వారంటైన్‌ జోన్‌లో ఉంచారు. తదుపరి దశలో ఈ చీతాలను క్వారంటీన్ జోన్ వెలుపల నాలుగు చదరపు కిలోమీటర్ల విస్తీర్ణంలో తిరిగేలా వదిలారు. తద్వారా అవి అడవి జంతువులు, వేట మొదలైన వాటికి అలవాటు పడతాయి. ఇక..
కునో నేషనల్ పార్క్ అటవీ అధికారుల అధ్యయనం ప్రకారం ఆఫ్రికా నుంచి తీసుకొచ్చిన చీతాలు ఇక్కడి వాతావరణానికి అలవాటు పడలేకపోతున్నాయని తెలుస్తోంది. పైగా ఇక్కడి పార్కు చుట్టూ సమీపంలో గ్రామాలు ఉండటంతో చీతాలు స్వేచ్ఛగా తిరగలేకపోతున్నాయి. దీనివల్ల అవి తరచూ సమీప గ్రామాల్లోకి వెళ్తున్నాయి. వాటిని పట్టుకోవడం అటవీ అధికారులకు తలనొప్పిగా మారుతోంది. ఇతర జంతువులతో కూడా అవి త్వరగా కలిసిపోలేకపోతున్నాయి. మధ్యప్రదేశ్‌లో ఎండలు మండిపోతుండడం కూడా చీతాల మరణానికి కారణంగా తెలుస్తోంది. వాస్తవంగా ఉష్ణోగ్రత 40 డిగ్రీలు దాటితే పులి జాతికి చెందిన జంతువుల్లో అనూహ్య మార్పులు ఏర్పడతాయని శాస్త్రవేత్తలు అంటున్నారు. అవి ఒక్కోసారి ప్రాణాలకు ముప్పు కలిగిస్తాయని చెబుతున్నారు. ప్రస్తుతం ఆఫ్రికా వాతావరణానికి భిన్నంగా మధ్యప్రదేశ్ వాతావరణం ఉండటంతో చీతాలు మనలేకపోతున్నాయని శాస్త్రవేత్తలు వివరిస్తున్నారు.
ప్రస్తుతం ప్రపంచవ్యాప్తంగా 7వేల చీతాలు ఉన్నాయి. వీటిలో సగానికి పైగా దక్షిణాఫ్రికా, నమీబియా, బోట్స్‌వానాలో ఉన్నాయి. 1950లలో చీతా అంతరించిపోయినట్లు భారత్ ప్రకటించింది. ఆ సమయంలో దేశంలో ఒక్క చీతా కూడా లేదు. ఇంత పెద్ద మాంసాహార జంతువును ఒక ఖండం నుంచి మరో ఖండం అడవుల్లోకి తీసుకురావడం ఇదే తొలిసారి. మరి మిగిలిన చీతాలయినా ప్రతికూల పరిస్థితుల నుంచి ప్రాణాలతో బయటపడతాయేమో చూడాలి.

నెక్రోఫీలియా.. ఇప్పుడు పాకిస్తాన్ ను కుదిపేస్తున్న ఓ మరో పెద్ద తుఫాను ఇది. మరణించిన ఆడపిల్లల శవాలపై అత్యాచారానికి పాల్పడటమే నెక్రోఫీలియా. ఇది ఓ మానసిక రుగ్మత. ఆకలి, కరువుతో అల్లాడుతున్న పాకిస్తాన్ లో నెక్రోఫీలియా రెక్కలు విరుచుకుని విజృంభిస్తోంది. అక్కడ ఆడపిల్లల సమాధులకు తాళాలు వేసుకొని కాపాడుకోవాల్సిన పరిస్థితి దాపురించింది ప్రస్తుతం. చనిపోయిన అమ్మాయిల సమాధులు తవ్వి శవాన్ని ఎత్తుకెళ్ళి అత్యాచారానికి పాల్పడుతున్న ఘటనలు ప్రస్తుతం పాకిస్తాన్ లోని ఆడపిల్లల తల్లిదండ్రులను వణికిస్తున్నాయి. కనీసం బడికి వెళ్ళి చదువుకోలేని పరిస్థితుల్లో ఉన్న పాకిస్తాన్ ఆడపిల్లల పాలిట నెక్రోఫీలియా శరాఘాతంగా మారింది. బతికున్నప్పుడు ఎలాగో ఎత్తుకెళ్ళి అత్యాచారం చేసి చంపేసినా అడిగే వాడు లేడు పాకిస్తాన్ లో. ఇప్పుడు చనిపోయిన వాళ్ళకు కూడా రక్షణ లేకుండాపోయింది.
దశాబ్ధాలుగా చేసిన పాపాలన్నీ ఒక్కసారి చుట్టుముట్టి పాకిస్తాన్ ప్రజలను ఆకలితో చచ్చేలా చేశాయి. తాను పెంచి పోషించిన తీవ్రవాదమే ఇప్పుడు పాకిస్తాన్ పాలిట శాపమై కూర్చున్నది. ఓ వైపు కరువు కరాళ నృత్యం చేస్తుంటే.. మరోవైపు తాలిబన్ల తుపాకులు బుల్లెట్లు కురిపిస్తున్నాయి. సైన్యం తిరుగుబాటు చేయటానికి సిద్ధంగా ఉంది.. ఆకలితో దిక్కులు చూస్తున్న టెర్రరిస్టులు చేేసేదేమీ లేక కనిపించిన వాళ్ళను కనిపించినట్టే కాల్చి పడేసి వాళ్ళ దగ్గర ఉన్నవి లాక్కుంటున్నారు. ఇదీ పాకిస్తాన్ పరిస్థితి. ఇంత దరిద్రంలో ఏ నేరం చేసినా అడిగే వాడెవడు.. శిక్షించేవాడెవడు. ఇదే నేరగాళ్ళ పాలిట వరంగా మారింది. కనీసం పరిపాలన అనేది లేని పాకిస్థాన్ లో ఇప్పుడు ఆడపిల్లలు చావటం కూడా తప్పే అయిపోయింది. భారతదేశంలో హిజాబ్ విషయంలోనే ముస్లిం మహిళలకు స్వేచ్ఛ లేదని మొత్తుకున్న ఇంటర్నేషనల్ మహిళా హక్కుల సంఘాలకు, ఫెమినిస్టుల పేరుతో అడ్డగోలుగా వాగే తలతిక్క లేడీస్ కు పాకిస్తాన్ లో జరుగుతున్న ఈ దారుణాలు అస్సలు కనిపించవు ఎందుకో మరి. ఎందుకంటే.. అక్కడ మనుషులు నోళ్ళతో కాకుండా తుపాకీ బుల్లెట్లతో మాట్లాడతారు కాబట్టి. పాకిస్తాన్ లో ఇంకా ఎన్నెన్ని దారుణాలు చూడాల్సి వస్తోందో భవిష్యత్తులో.

సింగపూర్.. అభివృద్ధి చెందిన దేశం మాత్రమే కాదు. కఠిన చట్టాలు చేయడం, వాటిని అంతే కఠినంగా అమలు చేయడంలోనూ ముందుండే దేశం. చట్టాలను కఠినంగా అమలు చేయాల్సిన బాధ్యత అన్నిదేశాల్లో ఉండాల్సిందే. దాన్నెవరూ కాదనరు. కానీ, ప్రపంచం వద్దంటున్నా పట్టించుకోకుండా అమలు చేసిన ఓ శిక్ష మాత్రం ఇప్పుడు సింగపూర్ కు విమర్శలను తెచ్చిపెడుతోంది. కేవలం గంజాయి స్మగ్లింగ్ చేసిన నేరారోపణపై భారత సంతతికి చెందిన తంగరాజు సుప్పయ్య అనే వ్యక్తిని సింగపూర్ దేశం ఉరిశిక్ష వేసి అమలు చేసింది. ఇంతకీ.. ఎవరు ఈ తంగరాజు సుప్పయ్య.. అసలేం జరిగింది..
తంగరాజు సుప్పయ్య.. పుట్టిపెరిగింది సింగపూర్‌లోనే అయినా భారత సంతతికి చెందిన వ్యక్తి. ప్రస్తుతం తంగరాజు వయసు 46 సంవత్సరాలు. 2014లో గంజాయి స్మగ్లింగ్ ఆరోపణలతో సింగపూర్ పోలీసులు అరెస్ట్ చేశారు. ఆ రోజు నుంచి ఉరి శిక్ష పడే చివరి క్షణం వరకూ తంగరాజును కాపాడుకోడానికి అతడి ఫ్యామిలీ చేసిన ప్రయత్నాలు అన్నీ ఇన్నీ కావు. ఇదే సమయంలో ఐక్యరాజ్యసమితి మొదలు ప్రపంచ దేశాలన్నీ సింగపూర్ నిర్ణయాన్ని తీవ్రంగా వ్యతిరేకిస్తూనే వచ్చాయి. కానీ, ఆ దేశం తంగరాజును ఉరితీసేంత వరకూ నిద్దురపోలేదు. చివరికి ముందుగా ప్రకటించినట్టుగానే తంగరాజును ఉరికొయ్యకు వేలాడదీసి చేతులు దులిపేసుకుంది. ఇక్కడే సింగపూర్ చట్టాలపై చర్చ మొదలైంది. తంగరాజు సుప్పయ్య నింజంగానే గంజాయి స్మగ్లింగ్ చేశాడా? ఒకవేళ అదే నిజమనుకుంటే ఈ మాత్రానికే ఉరి శిక్ష వేస్తారా? లాంటి ప్రశ్నలు ప్రపంచం మొత్తాన్నీ తొలిచేస్తున్నాయి.
దశాబ్దాల క్రితమే తంగరాజు కుటుంబం భారత్ నుంచి సింగపూర్ వలస వెళ్లిపోయింది. చిన్నప్పుడే తంగరాజుకు చెడు వ్యసనాలు అలవాటయ్యాయి. 12 ఏళ్ల వయసులోనే గాంజాయి తీసుకోవడం మొదలు పెట్టాడు. మాదక ద్రవ్యాల నేరానికి సంబంధించి 14 ఏళ్ల వయసులోనే శిక్ష అనుభవించాడు. తంగరాజు జీవితంలో చాలా భాగం జైలుకు వెళ్లిరావడంతోనే సరిపోయింది. డ్రగ్స్ తీసుకోవడం లేదని నిర్ధారించేందుకు ప్రతివారం యూరిన్ రిపోర్ట్స్‌ ఇవ్వాలన్న కండిషన్‌పై తర్వాత బెయిల్‌పై విడుదలయ్యాడు. ఇలాంటి హిస్టరీ ఉన్న వ్యక్తి గంజాయి స్మగ్లింగ్ కేసులో అరెస్టయితే న్యాయపోరాటాలు కలిసొచ్చే అవకాశాలు చాలా తక్కువ.
తంగరాజు సుప్పయ్య విషయంలో ఇదే జరిగిందనే చర్చ జరుగుతోంది. ఇక.. తంగరాజు కేసు విషయానికి వస్తే.. దాదాపు కేజీ గంజాయిని సింగపూర్‌లో అక్రమ రవాణాకు పాల్పడ్డాడన్నది తంగరాజుపై ఉన్న ప్రధాన అభియోగం. కానీ, దీని వెనుక ఉన్న కథ మాత్రం సింగిల్‌ లైన్‌లో ముగిసేది కాదు.
2013లో మలేషియాకు చెందిన మోగన్ వాలో అనే వ్యక్తి ఉద్యోగం కోసం సింగపూర్ వచ్చాడు. మినీ మార్ట్‌లో ఉద్యోగం ఉందని సెల్వా అనే వ్యక్తి ద్వారా తెలుసుకుని ఆ సంస్థ నెంబర్ సంపాదించాడు. ఫోన్‌లో మాట్లాడిన వ్యక్తి భాష భారతీయుడిలా ఉండటంతో అతని నెంబర్‌ను ఇండియా అని సేవ్ చేసుకున్నాడు. ఇదే సమయంలో సెల్వా అనే వ్యక్తి మలేసియా నుంచి సింగపూర్‌కు ఓ పార్సిల్ డెలివరీ చేయమని మోగన్ వాలోను కోరాడు. బదులుగా 900 డాలర్లు ఇచ్చాడు. కట్‌చేస్తే.. ఆ పార్శిల్‌లో గంజాయి ఉందని సెంట్రల్ నార్కోటిక్ బ్యూరో గుర్తించింది. ఆ నేరాన్ని అంగీకరించిన మోగన్ వాలో.. సెల్వా అనే వ్యక్తి ఇండియా అనే వ్యక్తికి ఆ పార్సిల్ డెలవరీ చేయమని చెప్పినట్టు సింగపూర్ పోలీసులకు స్టేట్‌మెంట్ ఇచ్చాడు. స్టేట్మెంట్‌తోపాటూ తన ఫోన్‌లో ఇండియా అని సేవ్ చేసుకున్న ఫోన్ నంబర్‌నూ ఇచ్చాడు. ఇక్కడ అసలు ట్విస్ట్ ఏంటంటే ఆ నంబర్ తంగరాజు సుప్పయ్యది. కానీ, గంజాయి స్మగ్లింగ్‌తో తనకు ఎలాంటి సంబంధం లేదని వాదించాడు తంగరాజు. అప్పట్నుంచి సింగపూర్ న్యాయస్థానాల్లో ఈ కేసు నలుగుతూనే ఉంది. చివరికి 2018లో తంగరాజుకు ఉరిశిక్ష విధించాలని తీర్పు వచ్చింది. తనకు ఏపాపం తెలియదంటూ తంగరాజు చేసిన న్యాయపోరాటాలు ఫలించలేదు. 2019లో అతను పెట్టుకున్న అప్పీల్ పిటిషన్‌ను కూడా అప్పీల్ కోర్టు కొట్టేసింది.
తంగరాజు కేసు విషయంలో సింగపూర్ తొందరపడిందనే చర్చ జరుగుతోంది. ఉరిశిక్ష అమలును నిలిపివేయాలంటూ తంగరాజు కుటుంబం వేడుకున్నా సింగపూర్ ప్రభుత్వం, న్యాయస్థానాలు కరుణించలేదు. నిర్దోషిత్వాన్ని నిరూపించుకునేందుకు తంగరాజుకు సరైన అవకాశం కల్పించలేదని అతడి కుటుంబం కూడా విమర్శిస్తోంది. దర్యాప్తు సమయంలో తమిళ అనువాదకుడిని ఏర్పాటు చేసుకునే అవకాశం కూడా కల్పించకపోవడాన్ని ప్రధానంగా ప్రశ్నిస్తోంది. తంగరాజు కేసు దర్యాప్తులో సింగపూర్ ప్రభుత్వం తొందరగా వ్యవహరించిందని హక్కుల సంఘాలు కూడా విమర్శలు గుప్పించాయి. ఐనా సరే సింగపూర్ ప్రభుత్వం కోర్టు ఆదేశాలను అమలు చేసింది. తంగరాజును ఉరితీయబోతున్నామంటూ వారం రోజుల ముందు కుటుంబానికి వర్తమానం పంపిన జైలు అధికారులు.. తాజాగా అతడిని ఉరికంబానికి వేలాడదీశారు.
గంజాయి రవాణా వివాదంలో ఓ వ్యక్తిని ఉరితీయడంపై ప్రపంచవ్యాప్తంగా నిరసనలు వ్యక్తమవుతున్నాయి. ఈ విషయంలో సింగపూర్ ప్రభుత్వాన్ని ఐక్యరాజ్యసమితి హక్కుల సంఘం కూడా తప్పుపట్టింది. ఉరిశిక్ష నిలిపివేయాలని పదేపదే విజ్ఞప్తి చేసింది. తంగరాజు ఉరిశిక్షను జీవితఖైదుగా మార్చాలని యూరోపియన్ యూనియన్ డిమాండ్ చేసింది. బ్రిటన్ వ్యాపారవేత్త రిచర్డ్ బ్రాన్సన్ కూడా తంగరాజుకు మద్దతుగా గళం వినిపించారు. జెనీవా కేంద్రంగా పనిచేస్తున్న గ్లోబల్ కమిషన్ ఆన్ డ్రగ్ పాలసీలో రిచర్డ్ బ్రాన్సన్ సభ్యుడిగా ఉన్నారు. ఈ డ్రగ్ కేసుతో తంగరాజుకు ఎలాంటి సంబంధం లేదని.. అయినా ఉరిశిక్ష విధించడం హక్కులను కాలరాయడమేనని వాదించారు. ఓ అమాయకుడ్ని సింగపూర్ ప్రభుత్వం పొట్టన పెట్టుకుంటుందని విమర్శించారు. ఎన్నో అంశాల్లో ప్రపంచానికి ఆదర్శంగా నిలుస్తున్న సింగపూర్ ఇలాంటి కొన్ని విధానాలతో విమర్శలపాలవుతుందని రిచర్డ్ బ్రాన్సన్ ఆవేదన వ్యక్తం చేశారు.
వాస్తవానికి.. చాలా దేశాలు గంజాయి వాడకాన్ని పరిమిత మోతాదులో వాడేందుకు అనుమతి ఇస్తున్నాయి. రీసెంట్‌గా జర్మనీ సైతం అదే పని చేసింది. కానీ, సింగపూర్ మాత్రం గంజాయితోపాటూ డ్రగ్స్ రవాణా విషయంలో మిగిలిన దేశాలకంటే కఠిన చట్టాలను అమలు చేస్తోంది. మాదక ద్రవ్యాలకు సంబంధించిన నేరాలకు పాల్పడితే ఉరిశిక్ష విధిస్తుంది. ఉరిశిక్ష మాత్రమే సింగపూర్‌లో డ్రగ్స్‌ను కట్టడి చేయగలదని ఆ దేశ సర్కార్ నమ్ముతోంది. డ్రగ్ ట్రాఫికింగ్‌తో పాటు మొత్తం 33 నేరాలకు సింగపూర్‌లో మరణశిక్ష అమలులో ఉంది. పొరుగునే ఉన్న మలేసియా మాదక ద్రవ్యాల నేరాల్లో ఉరిశిక్షను పక్కన పెట్టినా సింగపూర్ మాత్రం తన విధానాన్ని మార్చుకోలేదు. ప్రపంచవ్యాప్తంగా హక్కుల కార్యకర్తలు ఎంత మొత్తుకుంటున్నా సింగపూర్ మాత్రం వెనక్కి తగ్గడం లేదు. అందులో భాగంగానే తంగరాజును ఉరితీసింది. ఇప్పటికీ విమర్శలు ఎదుర్కొంటొంది. ఏదేమైనా తంగరాజు విషయంలో మాత్రం అతడికి న్యాయపోరాటం చేసుకునే అవకాశం ఇవ్వకుండా ఉరితీయడం సరికాదంటోంది ప్రపంచం.