bhalamedia.com

2016లో ఇండియన్ ఆర్మీ నిర్వహించిన సర్జికల్ స్ట్రైక్స్ పై తరచూ నోరు పారేసుకునే కాంగ్రెస్ నేతలు.. ఇప్పుడు మరోసారి అదే రకమైన వివాదాస్ఫద వ్యాఖ్యలు చేశారు. కాంగ్రెస్ నేత దిగ్విజయ్ సింగ్.. బీజేపీ ప్రభుత్వం తాము చేసినట్టు చెప్పుకునే సర్జికల్ స్ట్రైక్స్ కు అసలు ఆధారాలే లేవని.. ఇది కేవలం బీజేపీ అల్లిన కట్టు కథ అంటూ వివాదాస్ఫద వ్యాఖ్యలు చేశాడు. జమ్మూలో ఓ సమావేశంలో ప్రసంగించిన కాంగ్రెస్ సీనియర్.. ఇండియన్ ఆర్మీపై చేసిన వ్యాఖ్యలు ఇప్పుడు జాతీయ వ్యాప్తంగా మరోసారి రాజకీయ దుమారానికి కారణమయ్యాయి.
దిగ్విజయ్ సింగ్ వ్యాఖ్యలకు బీజేపీ నేతలు కౌంటర్ ఇచ్చారు. దిగ్విజయ్ వ్యాఖ్యలపై స్పందించిన గౌరవ్ భాటియా.. దిగ్విజయ్ సింగ్ మన దేశ సైనికులను అనుమానిస్తున్నాడనీ.. ఇలాంటివి చేసి కశ్మీర్ లాంటి ప్రాంతాల్లో ఓట్లు సంపాదించుకునే రాజకీయాలు కాంగ్రెస్ కు అలవాటేననీ అన్నాడు. రాహుల్ గాంధీ వంటి నకిలీ నేతలకు ప్రధాని మోడీపై ఉన్న వ్యతిరేకతను ప్రదర్శించేందుకు ఇంకా చాలా మార్గాలు ఉన్నాయనీ.. కానీ దాని కోసం సైన్యాన్ని పావులా వాడుకోవటం మానుకోవాలని భాటియా సమాధానం ఇచ్చారు.
2016లో ఉరీ పట్టణానికి సమీపంలో ఉన్న ఇండియన్ ఆర్మీ స్థావరంపై దొంగ దాడి చేసిన పాకిస్తాన్ కు చెందిన తీవ్రవాదులు.. 19 మంది భారత సైనికులను హత్యచేశారు. ఇందుకు ప్రతీకారంగా 11 రోజుల తర్వాత ఇండియన్ ఆర్మీకి చెందిన ఓ దళం.. పాక్ ఆక్రమిత కశ్మీర్ లో ఉన్న తీవ్రవాద శిబిరాలపై దాడి చేసి చాలా మంది తీవ్రవాదులను హతమార్చింది. ఈ దాడిలో 70 మంది తీవ్రవాదుల ప్రాణాలు పోయాయని ఆర్మీ అధికారికంగా ప్రకటించింది కూడా. పాకిస్తాన్ ప్రభుత్వం కూడా దీనిపై స్పందించింది. కానీ మరణించిన వారు తీవ్రవాదులు కాదనీ.. తమ సైన్యంపై భారత సైన్యం దొంగ దాడి చేసి సైనికులను హతమార్చిందనీ చెప్పింది. ఎంత మంది మరణించారన్న విషయం మాత్రం చెప్పలేదు. పాకిస్తాన్ స్వయంగా దీనిపై స్పందించినప్పటికీ కాంగ్రెస్ నేతలు తరచుగా సర్జికల్ స్ట్రైక్స్ కు ఆధారాలు లేవంటూ వ్యాఖ్యానిస్తూ వివాదాలు సృష్టిస్తూ ఉన్నారు.

పాకిస్తాన్ సంక్షోభం రోజురోజుకూ ముదురుతోంది. డాలర్ నిల్వలు అడుగంటిపోయిన ప్రస్తుత తరుణంలో విదేశీ మారక ద్రవ్యం కోసం పాకిస్తాన్ ఎన్ని మార్గాలున్నాయో అన్ని మార్గాల్లో ప్రయత్నిస్తోంది. అప్పు కోసం ఆ దేశం చేయని ప్రయత్నం లేదు. చివరకు విదేెశాల్లో ఉన్న తమ ప్రభుత్వ భవనాలనూ.. ఇతర ఆస్తులను ఆమ్మేస్తోంది పాకిస్తాన్. ఎలాగోలా ఈ రోజు గడిస్తే చాలు అనే స్థితికి చేరుకుంది పాకిస్తాన్ కరువు. ఇక ఇప్పుడు పాకిస్తాన్ డాలర్ల కోసం మరో సంచలన నిర్ణయం తీసుకుందని తెహ్రీక్ ఇ తాలిబన్ ఇన్ పాకిస్తాన్(టీటీపీ) ఆరోపిస్తోంది. పాకిస్తాన్ ప్రభుత్వం దేశాన్ని తాకట్టు పెట్టడానికి సిద్ధమైందనీ.. త్వరలోనే పాకిస్తాన్ లో ఊహించని పరిణామాలు చోటు చేసుకోబోతున్నాయనీ ఈ సంస్థ అంతర్జాతీయ మీడియాతో చెప్తోంది.
తన వద్ద అను అ‌ణ్వాయుధాలను సౌదీ ప్రభుత్వానికి విక్రయించేందుకు పాకిస్తాన్ ప్రభుత్వ ప్రతినిథులు సంప్రదింపులు జరుపుతున్నారనీ.. రాత్రికి రాత్రి కార్గో విమానాల ద్వారా పాకిస్తాన్ వద్ద ఉన్న న్యూక్లియర్ వార్ హెడ్స్ అన్నీ సౌదీకి తరలించేందుకు ఏర్పాట్లు జరుగుతున్నాయనీ టీటీపీ ప్రతినిథులు ఆరోపిస్తున్నారు. అయితే.. రాబోయే కరువును దృష్టిలో పెట్టుకొని కొద్ది నెలల క్రితమే పాకిస్తాన్ తన వద్ద ఉన్న న్యూక్లియర్ వెపన్స్ అన్నీ సౌదీకి అమ్మేసిందన్న వార్తలు కూడా గతంలోనే వినిపించాయి. అణ్వాయుధాలు మొత్తం తమకు అప్పగిస్తే అప్పుల ఊబి నుంచి బయటపడేస్తామని పాకిస్తాన్ కు సౌదీ ఆఫర్ ఇచ్చిందనీ.. ఈ ఒప్పందం జరిగిన కొద్ది రోజులకే అణ్వాయుధాలు ఎప్పుడో సౌదీకి తరలించబడ్డాయనీ ఇదివరకు చెప్పుకున్నారు. తాజాగా టీటీపీ చేస్తున్న ఆరోపణలపై పాక్ ప్రభుత్వం ఇంకా స్పందించలేదు.

గోవాలో సోమవారం ఉదయం భారీ పేలుడు చోటు చేసుకుంది. మాపుసాలోని ఇన్ ఆండ్ అవుట్ హిల్ టాప్ బార్ ఆండ్ రెస్టారెంట్ లో ఈ రోజు ఉదయం 5.33 గంటలకు భారీ శబ్ధంతో పేలుడు సంభవించింది. ఈ ఘటన అక్కడున్న సీసీ కెమెరాలో రికార్డ్ అయింది. రెస్టారెంట్ లోని గ్యాస్ సిలిండర్ పేలినట్టు తొలుత పోలీసులు భావించారు. కానీ.. మిగితా సిలిండర్లు చెక్కు చెదరకుండా అలాగే ఉండటాన్ని బట్టి సిలిండర్ ను వేరే ఏదైనా పేలుడు పదార్ధం ఉపయోగించి పేల్చారేమో అని అనుమానిస్తున్నారు.
పేలుడులో సుమారు 50 లక్షల ఆస్తి నష్టం సంభవించిందని పోలీసులు చెప్తున్నారు. భారీ పేలుడు ధాటికి రెస్టారెంట్ చుట్టుపక్కల ఉన్న 7 ఫ్లాట్లు దెబ్బతిన్నాయి. చుట్టుపక్కల నిలిపి ఉంచిన 6 వాహనాలు కూడా దెబ్బతిన్నాయని పోలీసులు చెప్తున్నారు. అయితే.. ఇది కేవలం సిలిండర్ బ్లాస్ట్ మాత్రమేనా.. ఇంకేమైనా కుట్ర జరిగిందా అన్న కోణంలో పోలీసులు విచారణ చేస్తున్నారు. ఇక్కడ బార్ ఆండ్ రెస్టారెంట్ ఉండటం స్థానికులకు ఇష్టం లేదు. చాలా సార్లు ఈ బార్ వల్ల స్థానికులు ఇబ్బందులు ఎదుర్కున్నారు. కాబట్టి ఏదైనా కుట్ర జరిగి ఉంటుందని పోలీసులు అనుమానిస్తున్నారు.