bhalamedia.com

అదానీ గ్రూప్-హిండెన్ బర్గ్ వ్యవహారం పార్లమెంట్ ఉభయ సభలను కుదిపేసింది. దీనిపై చర్చించాల్సిందేనంటూ కాంగ్రెస్ సహా విపక్షాలు రాద్ధాంతం చేయటంతో ఉభయ సభల్లో గందరగోళ పరిస్థితి నెలకొనగా.. చివరికి చేసేదేమీ లేక.. ఇరు సభలను వాయిదా వేయాల్సి వచ్చింది. గురువారం ఉదయం 11 గంటలకు బడ్జెట్ సమావేశాలు ప్రారంభం కాగా.. కాంగ్రెస్ సభ్యులు హిండెన్ బర్గ్ నివేదికపై చర్చించాలంటూ పట్టుబట్టారు. విపక్షాలు కూడా ఏకమై రాద్ధాంతం చేయటంతో సభను మధ్యాహ్నం 2 గంటలకు వాయిదా వేస్తున్న స్పీకర్ ఓం బిర్లా ప్రకటించారు.
తిరిగి మధ్యాహ్నం 2 గంటలకు సభ ప్రారంభమైనప్పటికీ పరిస్థితి అలాగే కొనసాగింది. అదానీ-హిండెన్ బర్గ్ అంశంపై చర్చించాల్సిందే అంటూ విపక్షాలు మళ్లీ ఆందోళన చేపట్టాయి. ఎంత సేపటికీ పరిస్థితి సద్దుమణగకపోవటంతో సభను శుక్రవారం ఉదయం 11 గంటలకు వాయిదా వేస్తున్నట్టు స్పీకర్ ప్రకటించారు. 2023-24 సంవత్సరానికి గానూ కేంద్ర ఆర్థిక శాఖ మంత్రి నిర్మల సీతారామన్ నిన్న వార్షిక బడ్జెట్ ప్రవేశపెట్టిన విషయం తెలిసిందే. ఈ బడ్జెట్ సమావేశాల్లో కొత్త బడ్జెట్ పై చర్చించాల్సి ఉండగా.. విపక్షాల ఆందోళనతో ఉభయ సభలు వాయిదా పడ్డాయి.

ప్రపంచంలో ఓపెన్ గా ప్రభుత్వమే తీవ్రవాదాన్ని పెంచి పోషించే దేశం ఏదైనా ఉంది అంటే అది కేవలం పాకిస్తాన్ మాత్రమే. నామమాత్రపు సూడో ప్రభుత్వాన్ని గుప్పిట్లో ఉంచుకొని పరోక్షంగా పాలించే పాకిస్తాన్ సైన్యం.. తీవ్రవాదులకు ట్రైనింగ్ ఇచ్చి మరీ భారత సరిహద్దుల్లో సేఫ్ గా ల్యాండ్ చేస్తారు భారత్ పై దాడులు చేయటానికి. పైగా అంతర్జాతీయ వేదికలపైన అవకాశం వచ్చినప్పుడల్లా కశ్మీర్ లో భారత్ హక్కుల హననం చేస్తోందనీ.. కశ్మీర్ పై చర్చలు మాత్రమే పరిష్కారమంటూ పిచ్చికూతలు కూయటం పాక్ కు అలవాటు. దీనికి అమెరికా, చైనా వత్తాసు పలకటం తరచుగా జరిగే తంతు. ప్రస్తుతం పాకిస్తాన్ పరిస్థితి ఎలా ఉందో మనకు తెలియనిది కాదు. జనం అన్నం కోసం రోడ్లపై బిచ్చమెత్తుకుంటున్నారు. ఆకలితో ప్రాణాలు విడుస్తున్నారు. ఇలాంటి పరిస్థితుల్లో సాయం కోసం పాకిస్తాన్ అడగని దేశమే లేదు. కానీ అన్ని దేశాలు ఛీ పో అన్నాయే తప్ప రూపాయి విదల్చలేదు. చివరికి పాకిస్తాన్ మీడియా.. భారత్ తప్ప మరో శరణు లేదు పాకిస్తాన్ కు అని కోడై కూస్తోంది. భారత్ తప్ప పాకిస్తాన్ ను మరేదేశమూ ఆదుకోలేదనీ.. మోడీ తప్ప పాక్ కు మరో దేవుడు లేడనీ పాకిస్తాన్ మీడియా బల్లగుద్ది చెప్తోంది.
ఇలాంటి సమయంలో పాకిస్తాన్ కు ఇక మరో మార్గమే లేని పరిస్థితుల్లో చివరికి ఆ దేశం నిజం ఒప్పుకోవాల్సి వచ్చింది. భారత్ తరచుగా చేసే తీవ్రవాద ఆరోపణలను పాకిస్తాన్ ఎట్టకేలకు అంగీకరించింది. ఇన్ని రోజులు తీవ్రవాదాన్ని పెంచి పోషించింది తామేననీ.. ఇప్పుడు అదే పాకిస్తాన్ కొంప ముంచిందనీ ఆ దేశ పాలకులు చెంపలేసుకుంటున్నారు. పాకిస్తాన్ రక్షణ శాఖ మంత్రి స్వయంగా ఈ వ్యాఖ్యలు చేయటం ప్రపంచవ్యాప్తంగా చర్చనీయాంశమైంది. రెండు రోజుల క్రితం పాకిస్తాన్ లో ఆత్మాహుతి దాడి జరిగింది. ఈ దాడిలో వంద మందికి పైగా చనిపోగా.. సుమారు 200 మంది గాయపడ్డారు. ఇది పాకిస్తాన్ కు పుండు మీద కారం చల్లినట్టైంది. పాకిస్తాన్ తో ఇక పని లేదని నట్టేట వదిలేసింది చైనా. ఉక్రెయిన్ కు భారీ సాయం చేసీ చేసీ కష్టాల్లో కూరుకుపోయింది అమెరికా. ఇక పాకిస్తాన్ ను కబలించేందుకు తాలిబన్లకు ఇదే సరైన సమయం. అందుకే అల్లకల్లోలం సృష్టిస్తున్నారు ప్రస్తుతం తాలిబన్లు పాకిస్తాన్లో. ఒంటరిగా మారిన పాకిస్తాన్ కు ప్రస్తుతం నిజం ఒప్పుకోవటం తప్ప మరో మార్గం లేదు. సో.. మేం తీవ్రవాదాన్ని పెంచిపోషించాం.. ఇప్పుడు ఫలితం అనుభవిస్తున్నాం.. అంటున్నారు. అంటే భారత్ ఇన్ని రోజులు అంతర్జాతీయ వేదికపై పాకిస్తాన్ గురించి చేసిన ఆరోపణలన్నీ నిజమేనని పాక్ అంగీకరించింది. ఇన్నాళ్ళూ పాకిస్తాన్ తీవ్రవాద దేశం కాదని వాదించిన అమెరికా, చైనాలు ముఖం ఎక్కడపెట్టుకుంటాయో చూడాలి. ఎట్టకేలకు మేమే తీవ్రవాదులను పెంచిపోషించామని ఒప్పుకున్న పాకిస్తాన్ తదుపరి చర్య ఎలా ఉండబోతోందో ప్రపంచం మొత్తం ఆసక్తిగా ఎదురు చూస్తోంది. పాకిస్తాన్ మీడియా మొత్తుకుంటున్నట్టు ఆ దేశం భారత్ ముందు మోకరిల్లే సమయం మరెంతో దూరంలో లేదనిపిస్తోంది.
పెట్రోల్ లేదు.. డీజిల్ లేదు.. గ్యాస్ లేదు.. కరెంటు లేదు.. గోధుమలు లేవు.. బియ్యం లేవు.. చివరికి రోడ్లపైకి వచ్చి ప్రభుత్వం రేషన్ పై ఇచ్చే గోధుమ బస్తాను తీసుకోటానికి స్వేచ్ఛ కూడా లేదు. ఎవడి దగ్గర తుపాకీ ఉంటే వాడిదే రాజ్యంగా మారింది పాకిస్తాన్లో. నడిసంద్రంలో నావలా మారిన పాకిస్తాన్ ను పాకిస్తాన్ మీడియా చెప్పినట్టు భారత్ తప్ప మరే దేశమూ ఆదుకోలేదు. కానీ మోడీజీ అలాంటి నిర్ణయం తీసుకుంటారా.. అసాధ్యమనే చెప్పాలి. దేశ విభజన తర్వాత పాకిస్తాన్ గత 75 యేళ్ళుగా భారత్ పై జరిపిన దమనకాండను భారత్ మరిచిపోతుందా.. రెండు సార్లు పాకిస్తాన్ తో జరిగిన యుద్ధాన్ని భారత్ మరిచిపోతుందా.. ముంబై దాడులను.. పుల్వామా పేలుళ్ళను.. పఠాన్ కోట్ ఎయిర్ బేస్ పై దాడులను భారత్ మరిచిపోతుందా.. లేదు. అవి భారత చరిత్రలో పాకిస్తాన్ నాయకులు రాసిన రక్తపు చరిత్రలో కొన్ని ఎరుపు మరకలు మాత్రమే. కానీ.. ఇప్పుడు భారత్ కు బలం వస్తుంది. పాకిస్తాన్ పై కనీసం ఒక్క బుల్లెట్ కూడా పేల్చకుండా.. ఒక్క భారత సైనికుడు కూడా ప్రాణత్యాగం చేయనవసరం లేకుండా.. కేవలం విదేశాంగ విధానంతో పాకిస్తాన్ చుట్టూ ఉచ్చు మరింత బిగించి.. ఆ దేశాన్ని కాళ్ళ బేరానికి తెచ్చుకునే అవకాశం మాత్రం భారత్ ముందుంది. చూద్దాం.. ఇంకా పాకిస్తాన్ ఎంత దిగజారుతుందో.. భారత్ విలువ ఎంత పెరుగుతుందో.

భారత ప్రధాన మంత్రి నరేంద్ర మోడీ మరోసారి త్వరలోనే అమెరికాలో పర్యటించనున్నారు. అంతే కాదు.. అమెరికా ఉభయ సభల్లో మోడీ ప్రసంగించే అవకాశం ఉన్నట్టు అంతర్జాతీయ మీడియాలో కథనాలు కనిపిస్తున్నాయి. ప్రముఖ వార్తా సంస్థ పీటీఐ నేరుగానే ఈ విషయాన్ని గురించి కథనాలు ప్రచురించింది. భారత్ లోనూ.. అమెరికాలోనూ ప్రస్తుతం ఎన్నికల వాతావరణం కనిపిస్తున్నది. మోడీని అమెరికాకు రప్పించి తనకు అనుకూలంగా ప్రచారం చేయించుకునేందుకు జో బిడెన్ ఎదురు చూస్తున్నారని కూడా చెప్పుకుంటున్నారు. అయితే.. అబ్ కీ బార్.. ట్రంప్ కీ సర్కార్ అంటూ గతంలో ట్రంప్ కోసం ప్రచారం చేసిన మోడీ ఇప్పుడు బైడెన్ కు ఓట్లు వేయాలని అమెరికా ప్రజలను కోరతారా అనేది సందేహమే. ఎందుకంటే రష్యా ఉక్రెయిన్ యుద్ధం మొదలైన కొత్తలో బైడెన్ భారత్ కు వార్నింగ్ ఇచ్చిన విషయం ఇంకా ఎవరూ మరిచిపోలేదు.
జో బిడెన్ అధ్యక్షుడిగా ఎన్నికైన తర్వాత మోడీ అమెరికాలో సెప్టెంబర్ 2021లో పర్యటించారు. ఇప్పుడు అమెరికా పర్యటనకు వెళ్తే రెండోసారి అవుతుంది. ప్రస్తుతం జీ20 కూటమి పగ్గాలు భారత్ చేతుల్లోనే ఉన్నాయి. అదీ కాక.. కొద్ది రోజుల క్రితం బైడెన్ వెతుక్కుంటూ వచ్చి మరీ మోడీని కలిసిన వీడియో ప్రపంచం మొత్తం ఆసక్తిగా చూసింది. సో.. అమెరికాకు మోడీ అవసరం ఉన్నట్టుంది. కాబట్టి మోడీకి ఈ సారి అమెరికా ప్రభుత్వం బ్రహ్మరథం పట్టే అవకాశం ఉంది. కానీ మోడీ మరియు ఆయన యంత్రాంగం ఎలాంటి నిర్ణయాలు తీసుకోబోతోందనేది ఇక్కడ చాలా పెద్ద ప్రశ్న. త్వరలోనే ఈ ప్రశ్నకు సమాధానం దొరుకుతుంది.

ఏ దేశంలో అయినా రాజకీయాలు ఎలా ఉండకూడదో పాకిస్తాన్‌ను చూసి అర్ధం చేసుకోవచ్చు. ఆ దేశం ఆర్ధిక సంక్షోభంలో కూరుకుపోయింది. ప్రజల ఆకలి తీర్చలేని పరిస్థితికి ప్రభుత్వం చేరిపోయింది. కానీ, ఇవేవీ అక్కడి రాజకీయాలను ప్రభావితం చేయడంలేదు. అధికారంలో ఎవరున్నా ఇప్పటికిప్పుడు పాక్ ప్రజల కష్టాలు, కన్నీళ్లు తీరే సీన్ ఎలాగో లేదనుకున్నారో ఏమోకానీ.. అక్కడి పాలకులు అగ్రరాజ్యాల్లో కూడా కనిపించని రాజకీయాన్ని నెరపుతున్నారు. అప్పట్లో షెహబాజ్ షరీఫ్ అండ్ కో ఇమ్రాన్‌ సర్కార్‌ను అర్ధాంతరంగా గద్దె దించేస్తే.. ఇప్పుడేమో వచ్చే ఎన్నికల్లో షరీఫ్ సర్కార్‌ను సాగనంపేందుకు పీటీఐ అధినేత ఇమ్రాన్ కొత్త ఎత్తులు వేస్తున్నారు. నిజానికి ఇప్పుడున్న పరిస్థితుల్లో అధికార, విపక్షాలు దేశాన్నీ, పాక్ ప్రజలను కష్టాలనుంచి ఎలా గట్టెక్కించాలనే దానిపై కలిసి పనిచేయాలి. అలా జరిగితే అది పాక్ రాజకీయం ఎలా అవుతుంది? అందుకే జనం ఎలాపోతే ఏంటి, వచ్చే ఎన్నికల్లో గెలుపే లక్ష్యం.. అన్నట్టుగా అక్కడి పాలకుల వైఖరి కనిపిస్తోంది.
నిజానికి.. పాకిస్తాన్ ప్రస్తుత అసెంబ్లీ పదవీ కాలం ఈ ఏడాది ఆగస్ట్‌తో ముగుస్తుంది. అప్పటి నుంచి 90 రోజుల్లోగా సార్వత్రిక ఎన్నికల నిర్వహించాల్సి ఉంటుంది. ఆ గడువుకు ముందే ఎన్నికలు నిర్వహించాలని ఇమ్రాన్‌ఖాన్ పార్టీ డిమాండ్ చేస్తోంది. మిగతా పీటీఐ సభ్యుల రాజీనామాలను కూడా అంగీకరిస్తే.. జాతీయ అసెంబ్లీ నుంచి ఇమ్రాన్ ఖాన్‌ పార్టీ పూర్తిగా వైదొలిగినట్లవుతుంది. నిజానికి.. ఇమ్రాన్‌ ఖాన్‌ ఇలా ఒకేసారి ఎక్కువ స్థానాల నుంచి పోటీ చేయడం ఇదే తొలిసారి కాదు. గతేడాది అక్టోబరులో జరిగిన జాతీయ అసెంబ్లీ ఉప ఎన్నికల్లోనూ 7 స్థానాల్లో పోటీ చేసి ఆరు చోట్ల విజయం సాధించారు. ఇదేం లెక్క అనుకోకండి ఎందుకంటే పాకిస్థాన్‌ ఎన్నికల్లో ఒక వ్యక్తి ఎన్ని చోట్ల నుంచైనా పోటీ చేయవచ్చు. ఐతే, ఒకటి కంటే ఎక్కువ స్థానాల్లో గెలిస్తే మాత్రం మనలాగే ఏ స్థానాలను వదులుకుంటారో ఎన్నికల సంఘానికి తెలియజేయాల్సి ఉంటుంది. ఇప్పుడు ఇమ్రాన్‌ఖాన్ చేస్తానంటోంది కూడా అదే. ఐతే, ఆగస్ట్‌ నెలతో అసెంబ్లీ గడువు ముగిసే వేళ.. ఉపఎన్నికలు నిర్వహించడం ఒకెత్తయితే.. వాటన్నింటిలో ఇమ్రాన్ ఒక్కరే పోటీ చేయాలని డిసైడ్ అవ్వడం మరో ఎత్తు. ఆర్ధిక సంక్షోభ పరిస్థితుల్లో అత్యంత ఖర్చుతో కూడుకున్న ఈ ఉప ఎన్నికలు అవసరమా అధ్యక్షా? అనేది కోట్లాది మంది పాకిస్తానీయుల ప్రశ్న.
మార్చి 16న జరిగే ఉప ఎన్నికల స్థానాలు తమ పార్టీ సిట్టింగ్‌వే కావడంతో తన గెలుపు సులభమని ఇమ్రాన్ ఖాన్ అంచనా. అన్నిచోట్లా తానే గెలిచి రాజకీయ సంక్షోభానికి తెరతీసి ముందస్తు ఎన్నికలు జరిగేలా ఒత్తిడి తీసుకురావాలన్నది ఇమ్రాన్ ఖాన్ ఎత్తుగడ. కానీ, అసలు చిక్కంతా ఇక్కడే ఉంది. ఇమ్రాన్‌ ఖాన్ అన్ని సీట్లలోనూ గెలిచి రాజకీయ సంక్షోభానికి దారి తీస్తే నష్టపోయేది మళ్లీ కోట్లాది పాకిస్తానీలే. అసలే ఆర్ధిక పతనంలో ఉన్న పాకిస్తాన్‌కు రాజకీయంగా కూడా స్థిరత్వం లేకపోతే ఇప్పుడున్న షెహబాజ్ షరీఫ్ సర్కార్‌ సైతం చేతులెస్తేయాల్సిందే. దేశాన్ని గట్టెక్కించడానికి ఐఎంఎఫ్‌ లాంటి సంస్థల సాయాన్నే కోరాలో.. లేక రాజకీయంగా ఇమ్రాన్‌ఖాన్‌తో తలపడాలో తెలీక దేశాన్ని గాలికొదిలేసే పరిస్థితే తలెత్తుతుంది. ఇప్పుడేదో దేశాన్ని ఆర్ధికంగా నిలబెట్టే ప్రయత్నాలు చేస్తున్నారని కాదు. కానీ, ఆ కొద్దిపాటి ప్రయత్నాలు కూడా రాజకీయ సంక్షోభంతో చేయలేరనేది జగమెరిన సత్యం. ఈ చిన్న లాజిక్‌‌ ఇమ్రాన్ ఖాన్ ఎలా మిస్ అవుతున్నారో అర్ధం కావట్లేదనే విశ్లేషణలు వినిపిస్తున్నాయి. అందుకే ఇమ్రాన్‌ తీసుకున్న నిర్ణయంలో పక్కా రివేంజ్ పొలిటికల్ స్ట్రాటజీనే తప్ప మరో అంశం లేదంటున్నారు.
పాకిస్తాన్ ఆర్ధిక మంత్రి అంతా దైవాదీనం అంటారు.. విదేశాంగ మంత్రేమో ప్రజల కష్టాలు పక్కనపెట్టి డాన్సులేస్తూ ఎంజాయ్‌ చేస్తుంటారు.. ప్రధానమంత్రి గత అనుభవాల నుంచి పాఠాలు నేర్చాం అంటూ భవిష్యత్ గురించి పట్టించుకోరు.. ప్రతిపక్ష నేత అధికార పార్టీపై రివేంజ్‌ స్ట్రాటజీలు ప్లాన్ చేస్తారు. ఇలా డర్టీ పాలిటిక్స్‌ ఎలా చేయాలో అన్ని సూత్రాలు వారికి తెలుసు కానీ.. దేశాన్ని కష్టాలసుడిగుండం నుంచి బయటపడేసే ఆలోచన మాత్రం ఎవ్వరూ చేయరు. సింపుల్‌గా సింగిల్‌ లైన్‌లో చెప్పాలంటే పాకిస్తాన్ పాలకులు దేశాన్ని గట్టెక్కించడం ఏమో కానీ దివాలాకు దగ్గర చేయడంలో మాత్రం పక్కా పొలిటికల్ స్ట్రాటజీ అమలు చేస్తున్నట్టే కనిపిస్తోంది. ఒక్కమాటలో ఇలాంటి పాలకులు ఉన్నంత కాలం పాకిస్తాన్ పరిస్థితి ఇంతే.