bhalamedia.com

ప్రస్తుతం అమెరికా పర్యటనలో ఉన్న కాంగ్రెస్ నేత రాహుల్ గాంధీ మరోసారి వివాదాస్ఫద వ్యాఖ్యలు చేశారు. భారత్ లో ప్రజాస్వామ్యం ప్రమాదంలో ఉందంటూ మరోసారి విదేశీ వేదికపై వ్యాఖ్యానించాడు రాహుల్. స్టాన్ ఫోర్డ్ యూనివర్శిటీలో జరిగిన సభకు హాజరైన రాహుల్.. “ఒక వేళ ప్రభుత్వం మీ ఫోన్లు ట్యాప్ చేయాలని అనుకుంటే దాన్ని ఎవ్వరూ ఆపలేరు.. నా ఫోన్ అయినా సరే..” అంటూ తన ఫోన్ ను ట్యాప్ చేస్తున్నారని పరోక్ష ఆరోపణలు చేశాడు రాహుల్. అమెరికా పర్యటన మొదటి రోజే ప్రధాని మోదీపై వివాదాస్ఫద వ్యాఖ్యలు చేసిన రాహుల్ గాంధీపై సర్వత్రా విమర్శలు వ్యక్తమైనప్పటికీ ఆయన అదే ధోరణితో ఉన్నాడు. భారత్ లో దేవుడి కంటే ఎక్కువగా తెలిసిన ఓ వ్యక్తి ఉన్నాడని.. దేవుడికి కూడా ఆయన బోధనలు చేయగలడంటూ మోదీపై వ్యంగ్యాస్త్రాలు సంధించిన రాహుల్.. ఆ తర్వాత బీజేపీ నేతల నుంచి తీవ్రమైన విమర్శలు ఎదుర్కోవాల్సి వచ్చింది.

ఇదే సభలో రాహుల్ మరో వ్యాఖ్య కూడా చేసి మరోసారి భారత ప్రభుత్వంపై పరోక్ష విమర్శలు చేశాడు. తన లోక్ సభ సభ్యత్వం రద్దు అవుతుందని తాను ఎనాడూ ఊహించలేదనీ.. కానీ అదే జరిగిందనీ రాహుల్ వ్యాఖ్యానించాడు. భారత్ లో ప్రజాస్వామ్యబద్ధంగా నిరసన తెలిపే పరిస్థితి కూడా లేదనీ, ఆ పరిస్థితిని మార్చేందుకే తాను భారత్ జోడో యాత్ర మొదలుపెట్టాననీ చెప్పుకొచ్చాడు రాహుల్. సున్నితమైన భారత్ చైనా సంబంధాలపై కూడా రాహుల్ కామెంట్లు చేశాడు. భారత్ చైనా సంబంధాలు అంత సులువైనవి కాదని చెప్పిన రాహుల్.. భారత్ ను వెనక్కి నెట్టడం చైనాకు అంత సులువైన పని కాదని అభిప్రాయపడ్డాడు. అంతర్జాతీయంగా భారత్ పలుకుబడి, పరపతి పెరుగుతున్న వేళ.. రాహుల్ తరచుగా విదేశాలకు వెళ్ళి సొంత దేశ ప్రభుత్వంపై అభ్యంతరకరమైన వ్యాఖ్యలు చేస్తూనే ఉన్నాడు. మరి కొద్ది రోజుల్లో ప్రధాని మోడీ కూడా అమెరికాలో పర్యటించనుండగా.. ఈ సమయంలో రాహుల్ అమెరికాలో పర్యటించటం ప్రపంచవ్యాప్తంగా ఆసక్తికరంగా మారింది.

కర్ణాటకలో ప్రభుత్వం ఏర్పాటై పట్టుమని పది రోజులు కాకముందే అప్పుడే సీఎం సీటు పంచాయతీ మళ్ళీ మొదటికొచ్చింది. ఎట్టి పరిస్థితుల్లో ముఖ్యమంత్రి కుర్చీని వదిలిపెట్టేది లేదని భీష్మించుకొని కూర్చున్న డీకే శివకుమార్ ను కాంగ్రెస్ ఢిల్లీ అధిష్టానం ఎలాగోలా బుజ్జగించి డిప్యూటీ సీఎం పోస్టుతో సరిపెట్టింది. అంతకు ముందున్న రాజకీయ అంచనాల ప్రకారం తొలి రెండున్నరేళ్ళు సిద్దరామయ్య, ఆ తర్వాత రెండున్నరేళ్ళు డీకే శివకుమార్ ముఖ్యమంత్రిగా వ్యవహరిస్తారు. ఇందుకు అందరూ అంగీకరించినట్టు వార్తలొచ్చాయి. కేవలం ఈ ఒప్పందం మీదనే డీకే శివకుమార్ డిప్యూటీ సీఎంగా ఉండేందుకు అంగీకరించాడని చెప్పారు. కానీ అందుకు భిన్నంగా ఇప్పుడు కర్ణాటక కాంగ్రెస్ లో కొత్త రాజకీయ సమీకరణాలు కనిపిస్తున్నాయి. పూర్తి ఐదేళ్ళ కాలం పాటు సిద్దరామయ్య మాత్రమే ముఖ్యమంత్రిగా ఉంటాడనీ.. దీనిపై మరో మాటే లేదనీ సీనియర్ కాంగ్రెస్ నేత ఎంబీ పాటిల్ వ్యాఖ్యానించటం కర్ణాటక కాంగ్రెస్ లో మళ్ళీ కలకలం రేపింది.
పాటిల్ వ్యాఖ్యలపై డీకే శివకుమార్ తమ్ముడు డీకే సురేష్ స్పందించాడు. కర్ణాటకలో ప్రభుత్వం ఏర్పడి చాలా తక్కువ రోజులు మాత్రమే గడిచిందనీ.. ఇప్పుడే భవిష్యత్తు గురించి అంత చర్చ అవసరం లేదనీ అన్నాడు. కర్ణాటకలో ఎవరు ఏ పాత్ర పోషించాలనేది నిర్ణయించుకున్న తర్వాతనే ప్రభుత్వం ఏర్పాడు అయ్యిందనీ.. ఒక వేళ మార్పులు చేర్పులు ఉంటే ఏఐసీసీ అధిష్టానం చూసుకుంటుందనీ వ్యాఖ్యానించాడు సురేష్. కర్ణాటక మంత్రి వర్గ విస్తరణ విషయంలో సిద్దరామయ్యతో పాటు డీకే శివకుమార్ ఢిల్లీ వెళ్ళి సోనియా మరియు మల్లికార్జున ఖర్గేతో సమావేశం కానున్నారు. ఈ నేపథ్యంలో ఎంబీ పాటిల్ వ్యాఖ్యలు కాస్త గందరగోలానికి దారితీశాయి.

ముందు ఫ్రీ ఆఫర్ ఇవ్వటం.. కోట్లాది మంది కస్టమర్లకు దగ్గరైన తర్వాత నెలవారీ ఆఫర్లు పెట్టి ఆ కస్టమర్లకు శాశ్వత కస్టమర్లుగా మార్చుకోవటం.. రిలయన్స్ జియో పాటించే అతిపెద్ద వ్యాపార మ్యాజిక్ ట్రిక్ ఇది. వందల కోట్ల రూపాయల వ్యాపారం చేసే ఐపీఎల్ సీజన్ ను పూర్తిగా ఫ్రీగా ప్రేక్షకులకు చూపించింది రిలయన్స్ జియో సినిమా.. అది కూడా 4కే రిజల్యూషన్ తో. ఇప్పుడు ఐపీఎల్ పుణ్యమానీ జియో సినిమా కోట్లాది ప్రేక్షకుల ఫోన్లలోనూ, టీవీల్లోనూ ప్లేస్ సంపాదించేసింది. ఇప్పుడు అసలు బిజినెస్ షురూ చేసేందుకు రెడీ అవుతోంది జియో సినిమా. అందుకు పెద్ద వ్యూహమే పన్నింది.. ఏకంగా తెలుగు ఓటీటీ మార్కెట్ మొత్తంపై కన్నేసింది. ఇంటర్నేషనల్ రేంజ్ లో పాన్ ఇండియా సినిమాలతో దూసుకెళ్తున్న తెలుగు సినిమా ఓటీటీ ఇండస్ట్రీలో పాగా వేసేందుకు రిలయన్స్ జియో సినిమా ప్లాన్ రెడీ చేసింది.
రాబోయే రోజుల్లో అమేజాన్ ప్రైమ్, డిస్నీ ప్లస్ హాట్ స్టార్, ఆహా వంటి ఓటీటీలకు పోటీగా పెద్ద మరియు చిన్న సినిమాలన్నింటినీ కొనేయాలని జియో ప్లాన్ చేసిందని సమాచారం. ప్రస్తుతానికి ప్రైమ్ వీడియో, హాట్ స్టార్, ఆహా మాత్రమే ఎక్కువగా తెలుగు సినిమాలు విడుదల చేస్తున్న ఓటీటీ ప్లాట్ ఫామ్ వేదికలు. ఇక సోనీ లివ్, జీ5 వంటివి వాటి తర్వాతే. కాబట్టి ముందు ఫస్ట్ మూడు స్థానాల్లో ఉన్న వాటిని దెబ్బకొట్టి.. చిన్నా పెద్దా తేడా లేకుండా అన్ని సినిమాలను కొనేసి.. జియో సినిమా ఓటీటీలో పడేస్తే.. ఆ తర్వాత మార్కెట్లో ఫస్ట్ ప్లేస్ జియో సినిమాదే అవుతుంది. సో.. ప్రస్తుతం జియో సినిమా తెలుగు సినిమాలను ఎంతైనా సరే ఇచ్చేసి కొనుక్కోటానికి ప్లాన్ రెడీ చేస్తోందట. అంతే కాకుండా సొంతంగా తెలుగులో హార్రర్, థ్రిల్లర్ జానర్లలో వెబ్ సిరీస్ లు ప్రొడ్యూస్ చేయాలని కూడా నిర్ణయించుకున్నదని సమాచారం. జియో సినిమా కనుక ఓన్ ప్రొడక్షన్ మొదలు పెడితే.. అది మిగతా ఓటీటీలకు చాలా పెద్ద కాంపిటిషన్ అవుతుంది. ఇక తెలుగు సినిమాలన్నీ ఎక్కువ మొత్తంలో కొనేస్తే జియో సినిమా ఓటీటీ మార్కెట్లో నెంబర్ వన్ కావటం పక్కా.

ఆర్ఆర్ఆర్ సినిమా తర్వాత టాలీవుడ్ మెగా పవర్ స్టార్ రామ్ చరణ్ ఇప్పుడు గ్లోబల్ స్టార్ గా మారిన విషయం తెలిసిందే. నాటు నాటు పాటతో ప్రపంచంలోని ప్రతి దేశంలో ప్రతి సినిమా అభిమానికీ కనెక్ట్ అయ్యారు రామ్ చరణ్ మరియు ఎన్టీఆర్. ఆస్కార్ దెబ్బకు భారతదేశ సినీ పరిశ్రమపై ప్రపంచం మొత్తం దృష్టి సారించింది. అయితే.. ఇదే సమయంలో భారత సినీ పరిశ్రమ అంటే బాలీవుడ్ మాత్రమే అంటూ అప్పటి దాకా ఉన్న పరిస్థితులను తెలుగు సినిమా బద్దలు కొట్టింది. కేవలం బాలీవుడ్ మాత్రమే ఇండియన్ సినిమాకు ఐకాన్ కాలేదనీ.. టాలీవుడ్ లోనూ సౌత్ ఇండియా లోనూ బాలీవుడ్ ను తలదన్నే కంటెంట్ ఉందనీ ఆర్ఆర్ఆర్ చాటి చెప్పింది. ఆర్ఆర్ఆర్ తర్వాత ఇండియా మొత్తం ఇదే అభిప్రాయానికి వచ్చిందని చెప్పటంలో సందేహం లేదు. ఆర్ఆర్ఆర్, కేజీఎఫ్ వంటి సినిమాలు బ్లాక్ బస్టర్ కావటం.. బాలీవుడ్ సినిమాలు బొక్క బోర్లా పడటంతో ఈ అభిప్రాయం మరింత బలపడింది. సరిగ్గా ఇక్కడే బాలీవుడ్ హీరోలు తప్పుల మీద తప్పులు చేస్తూ వచ్చారు. ఇది తెలుగు హీరోలకు మరింత ప్లస్ గా మారింది.
తాజాహా యంగ్ హీరో రామ్ చరణ్ కశ్మీర్ లో జరుగుతున్న జీ7 సమ్మిట్ లో పాల్గొని సందడి చేసిన విషయం తెలిసిందే. జపాన్ దేశపు ప్రతినిథితో పాటు భారత వ్యాపార దిగ్గజం ఆనంద్ మహీంద్రాతో కలిసి నాటు నాటు పాటకు స్టెప్పులేసి జీ7 వేదికపై మరోసారి ఆర్ఆర్ఆర్ ను గుర్తు చేశాడు రామ్ చరణ్. ఇప్పుడు ఇది బాలీవుడ్ పాలిట శాపంగా మారింది. భారత్ ఎంతో ప్రతిష్ఠాత్మకంగా భావిస్తూ కశ్మీర్ లో జీ7 సగస్సు నిర్వహిస్తోంది. పాకిస్తాన్ చైనా దేశాల నుంచి అభ్యంతరాలు, హెచ్చరికలూ ఎదురైనా.. తీవ్రవాదుల దాడులు జరుగుతున్నా భారత్ ఈ విషయంలో వెనక్కి తగ్గటం లేదు. అలాంటి సందర్భంలో రామ్ చరణ్ ఈ వేదికపై కనిపించటం బాలీవుడ్ పై విమర్శలకు కారణమైంది. బాలీవుడ్ నుంచి ఒక్క స్టార్ హీరో కూడా కశ్మీర్ లో జరుగుతున్న జీ7 సదస్సులో కనిపించలేదు సరికదా.. కనీసం దీనిపై స్పందించలేదు కూడా. బాలీవుడ్ ఖాన్ త్రయం అయితే.. కశ్మీర్ పేరు చెప్తేనే దుప్పటి కప్పుకొని ఇంట్లో పడుకుంటారే తప్ప కశ్మీర్ మరియు భారత్ కు అనుకూలంగా ఒక్క మాట మాట్లాడే ధైర్యం చేయరు. ఎందుకంటే.. బహుశా వారికి భారత్ కంటే పాకిస్తాన్ మరియు ముస్లిం దేశాలే ముఖ్యం అయి ఉండవచ్చు.
కశ్మీర్ లో జీ7 సదస్సు విజయవంతం అయితే కశ్మీర్ ఎప్పుడో భారత్ లో అంతర్భాగమైందనీ.. ఇక భారత్ లో కశ్మీర్ సమస్య అనేది లేదనీ ప్రపంచం ముందు భారత్ బల్లగుద్ది చెప్పినట్టు అవుతుంది. ప్రధాని మోడీ… కశ్మీర్ లో అంతా భారత్ కంట్రోల్ లోనే ఉందని చాటి చెప్పటానికే ఈ సదస్సును కశ్మీర్ లో నిర్వహిస్తున్నామని ఎప్పుడో చెప్పారు. యధావిధిగా ఇది పాకిస్తాన్, చైనా దేశాలకు నచ్చదు. అంతే కాదు.. భారత్ పాక్ మధ్య కశ్మీర్ సమస్య పరిష్కారం కావటం చాలా ఇస్లామిక్ దేశాలకు కూడా నచ్చదు సరికదా అమెరికా, యూరప్ దేశాలకు కూడా భారత్ పాకిస్తాన్ మధ్య సరిహద్దు సమస్య పరిష్కారం కావటం రుచించదు. భారత్ ఎప్పుడూ సరిహద్దు తీవ్రవాదంతో సతమతం అవుతూ ఉండాలనేది పైన చెప్పుకున్న దేశాల కోరిక. కానీ ఇప్పుడు పరిస్థితి మారింది.. పాకిస్తాన్, చైనా హెచ్చరికలు పట్టించుకునే పరిస్థితి భారత్ లో లేదు. హద్దుదాటితే తీవ్ర పరిణామాలు ఎదుర్కోవాల్సి వస్తుందంటూ భారత్ అంతర్జాతీయ వేదికలపై ఎన్నోసార్లు తెగించి చెప్పేసింది కూడా. కశ్మీర్ లో ప్రస్తుతం అంతా కంట్రోల్ లోనే ఉందని చెప్పాలంటే దేశవ్యాప్తంగా వీఐపీలు కశ్మీర్ ను సందర్శించాలి.. అక్కడి నుంచి యావత్ ప్రపంచానికి సందేశాన్ని ఇవ్వాలి. ఆ దిశగా యంగ్ హీరో రామ్ చరణ్ స్టెప్ తీసుకున్నాడు.. కశ్మీర్ లో అడుగుపెట్టి జీ7 సమ్మిట్ కు తన వంతు సహకారం అందజేశాడు. ప్రపంచంలో ఎక్కడా లేని లొకేషన్లు కశ్మీర్ లో ఉన్నాయనీ.. తను నటించే హాలీవుడ్ సినిమాలు ఇక్కడ షూటింగ్ చేయాలని కండిషన్ పెడతాననీ వేదికపై చెప్పాడు రామ్ చరణ్. ఈ మాట కశ్మీర్ లో శాంతి భద్రతల విషయంలో చాలా ఎఫెక్టివ్ గా పనిచేస్తుందని మనం ఇక్కడ గమనించాలి. కానీ ఇండియన్ సినిమా అంటే బాలీవుడ్ సినిమా అని చెప్పుకునే ఒక్కరు కూడా రామ్ చరణ్ లా కశ్మీర్ కు వచ్చే ధైర్యం చేయలేదు ఎందుకో మరి. రీసెంట్ గా పఠాన్ అంటూ దేశభక్తి సినిమా తీసి వెయ్యి కోట్ల వ్యాపారం తన ఖాతాలో వేసుకున్న షారూఖ్ ఖాన్.. కశ్మీర్ గురించి గానీ జీ7 సమ్మిట్ గురించి గానీ ఒక్క మాట కూడా మాట్లాడలేదు సరికదా.. తనకేమీ సంబంధమే లేదనట్టు దూరంగా ఉన్నాడు. ఇదే ఇప్పుడు బాలీవుడ్ పై విమర్శలకు కారణమైంది. మొత్తానికి.. బాలీవుడ్ కు ఇండియన్ సినిమా అనేది ఓ వ్యాపారమే తప్ప దేశంపై ప్రేమ కాదు అనేది మరోసారి రుజువైంది. అంటే.. పఠాన్ సినిమాలో షారూఖ్ ఖాన్, సల్మాన్ ఖాన్ దేశభక్తి పఠాన్ వంటి సిల్వర్ స్క్రీన్ పై మాత్రమే అన్నమాట.. ఇక ఇండియన్ ఆర్మీని కించపరుస్తూ అమీర్ ఖాన్ చేసిన లాల్ సింగ్ చడ్డా అనే ఎర్ర చెడ్డీ సినిమా కూడా వ్యాపారం కోసమే తప్ప దేశభక్తి కోసం కాదన్నమాట.. ఫైనల్ గా చెప్పాలంటే.. బాలీవుడ్ జనానికి దేశభక్తి సినిమా అనేది కేవలం వ్యాపారం మాత్రమే.. నిజం ఎప్పుడూ కానే కాదు.