పవన్ బ్లాక్ బస్టర్ సినిమా వకీల్ సాబ్ కు సీక్వెల్ ఉంటుందన్న వార్తలపై డైరెక్టర్ వేణు శ్రీరామ్ క్లారిటీ ఇచ్చారు. వకీల్ సాబ్-2 సినిమాకు సంబంధించిన వర్క్ షాప్ స్టార్ట్ అయ్యిందనీ.. ప్రస్తుతానికి స్క్రిప్టుకు సంబంధించిన పనులు జరుగుతున్నాయనీ వేణు చెప్పాడు. రెండేళ్ళ క్రితం లాక్ డౌన్ తో టాలీవుడ్ డల్ అయిన టైమ్ లో బాలీవుడ్ పింక్ సినిమాకు రీమేక్ గా వచ్చి తెలుగు ప్రేక్షకులను, పవన్ కళ్యాణ్ ఫ్యాన్స్ ను విశేషంగా అలరించింది వకీల్ సాబ్ సినిమా. ఇప్పుడు ఈ సినిమాకు సీక్వెల్ త్వరలో రాబోదోందన్న వార్తతో పవన్ ఫ్యాన్స్ హ్యాప్పీగా ఫీలవుతున్నారు. నివేతా థామస్, అనన్య నాగల్ల లీడ్ రోల్స్ లో సినిమాలో అద్భుతంగా నటించి మెప్పించారు. ఇక పవర్ ఫుల్ లాయర్ క్యారెక్టర్లో పవన్ పాత్రను రక్తికట్టించాడు.
పింక్ సినిమాకు ఎలాంటి సీక్వెల్ లేదు. కానీ వేణు శ్రీరామ్ మాత్రం వకీల్ సాబ్ కు సీక్వెల్ ఉందంటే.. అది పూర్తిగా కొత్త కథలో తెరకెక్కనున్నదన్నమాట. ఆవేశంతో ఊగిపోయే లాయర్.. పేరు, పలుకుబడి ఉన్న ఓ యంగ్ గ్యాంగ్.. ఏ అండా లేని ఇద్దరు ఆడపిల్లలపై జరిగిన అఘాయిత్యం నేపథ్యంలో వకీల్ సాబ్ తెరకెక్కగా.. సీక్వెల్ ఇందుకు పూర్తి భిన్నంగా ఉండే అ‌వకాశం ఉంది. ఏది ఏమైనా డైరెక్టర్ వేణు చేసిన అనౌన్స్ మెంట్ తో పవన్ ఫ్యాన్స్ ఫుల్ హ్యాప్పీ.