నార్త్ ఇండియా నుంచి హైదరాబాద్ వచ్చీ చిన్నా చితకా తెలుగు సినిమాలు చేయటం.. అదృష్టం బాగుండి హిట్ సినిమా పడగానే బాలీవుడ్ వైపు వెళ్ళిపోవటం.. అక్కడ మంచి ఆఫర్ దొరికిందంటే చాలు తెలుగు ఇండస్ట్రీని క్రిటిసైజ్ చేయటం నార్త్ హీరోయిన్లకు అలవాటే. చాలా మంది ఇలా తెలుగులో నటించి బాలీవుడ్ కు వెళ్ళిన తర్వాత ఇక్కడి దర్శకులను, ప్రొడ్యూసర్లను తప్పు పడుతుంటారు. తాప్సీ కూడా ఇలాంటి హీరోయినే అని గతంలోనే తెలిసిపోయింది. తన బొడ్డు మీద పండ్లు వేయాలని డైరెక్టర్ రాఘవేంద్రరావుకు ఎందుకు అనిపించిందో అంటూ విమర్శలు చేసి తిట్లు తిన్న తాప్సీ.. ఇప్పుడు మొత్తం సౌత్ ఇండస్ట్రీని కించపరుస్తూ వ్యాఖ్యలు చేసింది. బాలీవుడ్ లో నటించి గుర్తింపుతో పాటు ఎంతో సంతృప్తి లభించిందని చెప్పిన తాప్సీ.. సౌత్ ఇండస్ట్రీలో ఉన్న సమయంలో స్టార్ డమ్ వచ్చినా సరే సంతృప్తి మాత్రం ఎప్పుడూ దక్కలేదంటూ చెప్పుకొచ్చింది.
ఓ చిట్ చాట్ లో హోస్ట్ అడిగిన ప్రశ్నకు సమాధానమిస్తూ ఇలాంటి వ్యాఖ్యలు చేసింది తాప్సీ. ఈ వీడియో సోషల్ మీడియాలో వైరల్ గా మారింది. అవకాశం దొరికినప్పుడల్లా సౌత్ సినిమాపై విషం కక్కటం నార్త్ ఇండియా నుంచి వచ్చిన అమ్మాయిలకు అలవాటే. తెలుగులో అవకాశాల కోసం చచ్చీ చెడీ కాళ్ళరిగేలా తిరిగి.. హీరోయిన్ గా బ్రేక్ రాగానే బాలీవుడ్ ప్రయత్నాలు మొదలుపెడతారు. ఆ తర్వాత తమకు అవకాశం ఇచ్చిన డైరెక్టర్లు, ప్రొడ్యూసర్లనే విమర్శిస్తుంటారు. తాప్సీ తరచూ తెలుగు డైరెక్టర్లపై ఇలాంటి కామెంట్లు చేస్తుంటుంది. దీనిపై సోషల్ మీడియాలో విమర్శలు చేస్తున్నారు. అసలు తెలుగులో అవకాశమే దక్కకపోతే బాలీవుడ్ దాకా వెళ్ళగలిగేదానివి కాదు అంటూ తిట్టి పోస్తున్నారు. బాలీవుడ్ లో అవకాశాలు దక్కాలంటే నెపోటిజమ్ ను దాటి ప్రొడ్యూసర్లతో కమిట్ అయితే తప్ప మరో మార్గం లేదు. అందుకే నార్త్ నుండి మోడల్స్ సౌత్ ఇండస్ట్రీకి వచ్చి స్టార్ డమ్ రాగానే తమ పుట్టింటికి వెళ్ళిపోయినట్టు ముంబై వెళ్తారు.