చెన్నై ఎక్స్ ప్రెస్ సినిమా తర్వాత హిట్ అనేదే లేని బాలీవుడ్ హీరో షారూఖ్ ఖాన్.. ఎట్టకేలకు పఠాన్ సినిమాతో తన దాహం తీర్చుకోవటమే కాకుండా.. బాలీవుడ్ కలెక్షన్ల దాహాన్ని కూడా తీర్చేశాడు. బాయ్ కాట్ బాలీవుడ్ ట్రెండ్ నడుస్తున్న సమయంలో అమీర్ ఖాన్ పాపం డిజాస్టర్ తన ఖాతాలో వేసుకున్నాడు. లాల్ సింగ్ చడ్డా సినిమా చెత్తగా ఉండటమే డిజాస్టర్ కు కారణం. హిస్టారికల్ లాస్ ను మాత్రం అమీర్ భరించాడు. కానీ.. లక్కీగా షారూఖ్ తప్పించుకున్నాడు. సినిమా బాగుంటే ఏ బాయ్ కాట్ ట్రెండైనా సినిమాను ఆపలేదని షారూఖ్ నిరూపించాడు. మొత్తం సౌత్ ఇండియా సినిమాల హవా నడుస్తూన్న తరుణంలో.. హిట్ సినిమా లేక బాలీవుడ్ కన్నీరు పెట్టుకుంటోంది. ఇలాంటి సమయంలో షారూఖ్ హిట్ కొట్టేశాడు.
పఠాన్ రిలీజైన ఫస్ట్ డేనే రికార్డు కలెక్షన్లు సాధించింది. 100 కోట్ల పైనే ఫస్ట్ డే కలెక్షన్ సాధించిందని సినిమా క్రిటిక్స్ చెప్తున్నారు. బేషరమ్ పాటతో ట్రోల్ అయినా.. సెన్సార్ విషయంలో షాక్ తిన్నా.. మొత్తానికి పఠాన్ బాక్సాఫీస్ వద్ద కలెక్షన్ల వర్షం కురిపించింది. కరెక్ట్ టైమ్ చూసి షారూఖ్ తన సినిమా వదిలాడనీ.. హిట్ లేక ఎదురు చూస్తున్న బాలీవుడ్ జనం.. మంచి యాక్షన్ థ్రిల్లర్ సినిమాను బాగా ఎంజాయ్ చేస్తున్నారనీ బాలీవుడ్ క్రిటిక్ కరణ్ జోహర్ ట్వీట్ చేశాడు.