రాజధానిలో కలకలం రేపిన దక్కన్ మాల్ అగ్ని ప్రమాదంలో బిల్డింగ్ మొత్తం ఎందుకూ పనికిరానంతగా డ్యామేజ్ అయిన విషయం తెలిసిందే. ఎప్పుడో ఓసారి ఈ బిల్డింగ్ ఖచ్చితంగా కూలిపోతుందనీ.. ముందు జాగ్రత్తగా కూల్చేస్తే ప్రమాదం తప్పుతుందని చెప్పిన డిజాస్టర్ రెస్పాన్స్ అధికారులు ఈ రోజు బిల్డింగ్ కూల్చివేతకు ఏర్పాట్లు చేశారు. ఇందు కోసం భారీ క్రేన్ ను సిద్ధం చేసినప్పటికీ.. ఆ క్రేన్ పని మొదలు పెట్టే సమయానికి ఆయిల్ లీక్ కావటంతో క్రేన్ ను పక్కన పెట్టేశారు. దక్కన్ బిల్డింగ్ కూల్చి వేత కోసం జర్మనీ నుంచి హై రీచ్ బూమ్ వెహికిల్ ను తెప్పిస్తున్నామని.. ప్రస్తుతానికి కూల్చివేత వాయిదా వేస్తున్నామనీ కూల్చివేత కాంట్రాక్టు తీసుకున్న కంపెనీ చెప్పింది.
పూర్తిగా కాలిపోయిన దక్కన్ మాల్ బిల్డింగ్ ను కూల్చేయటానికి జీహెచ్ఎంసీ వేసిన టెండర్లలో ఓ కంపెనీ 36 లక్షలకు టెండర్ దక్కించుకుంది. తన వద్ద అందుబాటులో ఉన్న క్రేన్ తో బిల్డింగ్ ను కూల్చే ప్రయత్నం చేస్తున్న క్రమంలో.. క్రేన్ సరిగ్గా పనిచేయలేదు. దీంతో కూల్చివేత నిలిపివేసి.. ఇందు కోసం జర్మన్ మేడ్ హై రీచ్ బూమ్ క్రేన్ ను తెప్పిస్తున్నామనీ.. ఆ క్రేన్ ఎప్పుడు వస్తే అప్పుడే కూల్చివేత సాధ్యమవుతుందనీ కంపెనీ ప్రతినిథులు చెప్తున్నారు.