ధమాకా, వాల్తేరు వీరయ్య సినిమా బ్లాక్ బస్టర్ సినిమాలతో ఫ్యాన్స్ కు డబుల్ ట్రీట్ ఇచ్చిన మాస్ మహరాజ రవితేజ.. అప్పుడే మరో అప్డేట్ తో ఫ్యాన్స్ కు మరో ట్రీట్ ఇచ్చేశాడు. రవితేజ నెక్స్ట్ మూవీ రావణాసుర సినిమాకు సంబంధించిన కొత్త పోస్టర్ ను సోషల్ మీడియా ద్వారా అభిమానులతో పంచుకున్నాడు. సుధీర్ వర్మ డైరెక్షన్ లో థ్రిల్లర్ కథాంశంతో తెరకెక్కుతున్న రావణాసురపై భారీ అంచనాలే ఉన్నాయి. అక్కినేని సుశాంత్ విలన్ క్యారెక్టర్ చేయటంతో ఆ అంచనాలు మరింత పెరిగాయి. రావణుడిలాగానే పది తలలతో రవితేజ పోస్టర్ ఇది యాక్షన్ థ్రిల్లర్ అని చెప్పకనే చెప్తోంది.
ఇదే నెలలో మరో వారంలో రావణాసుర ట్రైలర్ విడుదల అయ్యే అవకాశాలున్నాయని సమాచారం. జనవరి 26న రిపబ్లిక్ డే తో పాటు రవితేజ పుట్టిన రోజు కావటంతో.. రావణాసుర సినిమా ట్రైలర్ ఆ రోజు రిలీజ్ చేస్తారని ఫిల్మ్ నగర్ టాక్. ఫస్ట్ వచ్చిన ధమాకా రవితేజలోని మాస్ ను మరోసారి బయటకు తీసిన సినిమాకాగా.. వాల్తేరు వీరయ్య సినిమాలో రవితేజ చేసిన సెంటిమెంటల్, ఎమోషనల్, మాస్ క్యారెక్టర్.. ఫ్యాన్స్ కు మల్టిపుల్ హ్యాప్పీనెస్ ఇచ్చింది. ఇప్పుడు రావణాసురతో రవితేజ తనలోని ఏ యాంగిల్ ను చూపించబోతున్నాడోనని ఫ్యాన్స్ వెయిటింగ్.