నాటు నాటు పాటకు ప్రపంచ వ్యాప్తంగా గుర్తింపు పొంది ఆర్ఆర్ఆర్ లో అద్భుత నటనతో ప్రేక్షకులను ఆకట్టుకున్న రామ్ చరణ్.. కబడ్డీ ఆట బేస్ తో రూపొందించిన కథతో త్వరలోనే మరో సినిమా మొదలు పెట్టనున్నాడు. ఉప్పెన సినిమాతో హిట్ సినిమా ఇచ్చిన సానా బుచ్చిబాబు ఈ సినిమాకు దర్శకత్వం వహించనున్నాడు. శ్రీదేవి కుమార్తె జాన్వీ కపూర్ ఈ సినిమాలో రామ్ చరణ్ పక్కన హీరోయిన్ గా కనిపించనుందని టాలీవుడ్ న్యూస్. ఇప్పటికే ఎన్టీఆర్ కొరటాల శివ కాంబినేషన్లో తెరకెక్కుతున్న ఎన్టీఆర్30 సినిమాలో జాన్వీ నటిస్తోంది. ఇప్పుడు రామ్ చరణ్ పక్కన తన రెండో సినిమా సైన్ చేసినట్టు సమాచారం. త్వరలోనే ఈ విషయంపై అఫీషియల్ అనౌన్స్ మెంట్ వచ్చే అవకాశం ఉంది. తెలుగులో ఇప్పటి వరకు సినిమా ఒప్పుకోని జాన్వీ కపూర్.. ఇప్పుడు సైన్ చేసిన రెండు సినిమాలు ఆస్కార్ యాక్టర్స్ అయిన ఎన్టీఆర్, రామ్ చరణ్ లతోనే కావటం విశేషం.
పూర్తిగా కబడ్డీ ఆట చుట్టూ తిరిగే కథతో ఈ సినిమా తెరకెక్కనుందట. అంతే కాకుండా రామ్ చరణ్ ఈ సినిమాలో డ్యూయల్ రోల్ లో కనిపిస్తాడని కూడా చెప్పుకుంటున్నారు. అయితే తండ్రీ కొడుకుల పాత్రనా లేక అన్నదమ్ముల పాత్రనా అనేది మాత్రం తెలియదు. పాన్ ఇండియా రేంజ్ లో తెరకెక్కనున్న ఈ సినిమా వివరాలు అసలు ఇప్పటి వరకూ ఎక్కడా అఫీషియల్ గా చెప్పిందే లేదు. కేవలం స్టోరీ లైన్, డైరెక్టర్ వివరాలు తప్ప ఈ సినిమా గురించిన మరే విషయాన్నీ యూనిట్ బయటకు రానివ్వటం లేదు. ప్రేక్షకులకు సర్ ప్రైజ్ గా త్వరలోనే సినిమా గురించిన డిటైల్స్ అఫీషియల్ గా అనౌన్స్ చేస్తారని ఇండస్ట్రీ టాక్.