ఎర్రచందనం స్మగ్లింగ్ కేసులో జబర్దస్త్ కమెడియన్ పోలీసులకు చిక్కినట్టే చిక్కీ పరారీలో ఉన్నాడనే వార్త ఇప్పుడు హాట్ టాపిక్ గా మారింది. జబర్దస్త్ లో ఎక్కువగా లేడీ గెటప్ లో కనిపించే హరిబాబు ఎర్రచందనం స్మగ్లింగ్ కేసులో చిక్కుకున్నాడు. ఆదివారం రాత్రి సుమారు 11 గంటల ప్రాంతంలో పుంగనూరులో పోలీసులు వాహనాల తనిఖీలు నిర్వహిస్తుండటా ఎర్ర చందనం లోడ్ తో స్మగ్లింగ్ చేస్తున్న రెండు వాహనాల నుంచి డ్రైవర్లు దిగి పారిపోయారు. వీరిలో ఒకరిని పోలీసులు అరెస్టు చేయగా.. అరెస్టైన నిందితుడు ఈ మొత్తం స్మగ్లింగ్ కు సూత్రధారి హరి బాబేనని చెప్పాడట. లారీ వదిలి పారిపోయిన మరో వ్యక్తి హరిబాబేననీ.. ఎర్ర చందనం స్మగ్లింగ్ వెనుక ఉన్న అసలు సూత్రధారి అతడేననీ పోలీసులకు అరెస్టైన వ్యక్తి చెప్పాడట. దీంతో పోలీసులు హరిబాబు కోసం గాలిస్తుండగా.. ప్రస్తుతం అతడు పరారీలో ఉన్నాడు. అయితే.. హరిబాబుకు ఇది కొత్తేమీ కాదనీ.. అంతకు ముందు కూడా ఎర్ర చందనం స్మగ్లింగ్ కేసులు హరిబాబుపై ఉన్నాయనీ పోలీసులు చెప్తున్నారు. 2021లో కూడా ఇలాగే పోలీసులు లారీలు తనిఖీ చేస్తున్న సమయంలో లారీని వదిలేసి పరారయ్యాడని కూడా పోలీసులు చెప్తున్నారు.
జబర్దస్త్ ప్రోగ్రామ్ తో చాలా మంది కమెడియన్లు కెరీర్ సెట్ చేసుకున్నారు. చాలా మంది ప్రస్తుతం టాలీవుడ్ లో మంచి కమెడియన్లుగా స్థానం సంపాదించుకున్నారు. స్టార్ కమెడియన్లుగా మారిన వాళ్ళు కూడా ఉన్నారు. హరిబాబు విషయానికి వస్తే అతడు జబర్దస్త్ లో కేవలం లేడీ గెటప్ లో మాత్రమే కనిపించే ఆర్టిస్ట్. ఇతడికి కూడా మంచి ఫాలోయింగే ఉందని చెప్పాలి. కమెడియన్ గా అవకాశాలు ఉన్న సమయంలో మంచి కెరీర్ ను భవిష్యత్తును వదిలి పెట్టి ఇలా స్మగ్లింగ్ చేయటం ఏమిటనేది అర్థం కాని విషయం. హరిబాబు వార్తలతో అతడి తోటి నటులు షాక్ కు గురయ్యారు. తెరపై కమెడియన్ గా కనిపించే హరిబాబు.. తెర వెనుక స్మగ్లింగ్ చేయటం జబర్దస్ట్ నటులను ఆశ్చర్యానికి గురి చేస్తోంది.
