ప్రభాస్ ఫ్యాన్స్ కు ఆదిపురుష్ మేకర్స్ ఊహించని అప్డేట్ ఇచ్చారు. జూన్ 6న తిరుపతిలో జరగనున్న ఆదిపురుష్ ప్రీ రిలీజ్ ఈవెంట్ కు గెస్ట్ గా ఎవరు వస్తారోనని ఆసక్తికరంగా ఎదురుచూసిన ఫ్యాన్స్ కు సినిమా మేకర్స్ కొత్త అనౌన్స్ మెంట్ తో సర్ ప్రైజ్ ఇచ్చారు. ఆధ్యాత్మిక గురువు, ఆగమ శాస్త్ర పండితుడు త్రిదండి చినజీయర్ స్వామి ఈ కార్యక్రమానికి ముఖ్య అతిథిగా హాజరు కానున్నట్టు సినిమా బృందం సోషల్ మీడియా ద్వారా అనౌన్స్ చేసింది. జీయర్ స్వామి రాకతో ఆదిపురుష్ ప్రీ రిలీజ్ ఈవెంట్ కాస్తా ఓ ఆధ్యాత్మిక కార్యక్రమంగా మారిపోనుంది. రామాయణ గాథ ఆధారంగా తెరకెక్కుతున్న ఆదిపురుష్ నుంచి ఇప్పటికే రెండు ట్రైలర్లు వచ్చి ప్రేక్షకులను విశేషంగా ఆకట్టుకున్నాయి. ప్రీ రిలీజ్ ఈవెంట్ రోజున మరో ట్రైలర్ ను జీయర్ స్వామి స్వయంగా విడుదల చేయబోతున్నాడని కూడా ప్రచారం జరుగుతోంది. దీనిపై కూడా త్వరలోనే క్లారిటీ రానుంది.
ప్రభాస్, కృతి సనన్ ప్రధాన పాత్రల్లో భారీ బడ్దెట్ తో డైరెక్టర్ ఓం రౌత్ ఆదిపురుష్ సినిమాను తెరకెక్కించాడు. ఇప్పటి వరకూ చూడని రీతిలో తాను రామాయణ గాథను చూపించబోతున్నానంటూ ఔంరౌత్ గట్టి విశ్వాసంతో చెప్తున్నాడు. ఇప్పటికే విడుదలైన ట్రైలర్లలో సినిమా కోసం గ్రాఫిక్స్ ను ఏ స్థాయిలో ఉపయోగించారో తెలుస్తోంది. స్క్రీన్ పూర్తి కలర్ ఫుల్ గా కనిపిస్తోంది. క్యారెక్టర్ల మేకప్ విషయంలో మొదట విమర్శలు ఎదుర్కున్నప్పటికీ.. కొత్త ట్రైలర్లలో అంతా చక్కగానే ఉన్నట్టు కనిపిస్తోంది. వెయ్యి కోట్ల కలెక్షన్లే లక్ష్యంగా సినిమా యూనిట్ భారీగా ప్రమోషన్లు చేస్తోంది. జూన్ 16న.. అంటే మరో పది రోజుల్లో ఈ సినిమా ప్రపంచవ్యాప్తంగా విడుదలకానుంది.