చిరంజీవి కొత్త సినిమా ఓటీటీ రిలీజ్ డేట్ అప్పుడే అనౌన్స్ మెంట్ అయిపోయింది. సినిమా ఇంకా థియేటర్లలోకే రాలేదు.. అప్పుడే ఓటీటీ రిలీజ్ గురించి కూడా ఫుల్ క్లారిటీ ఇచ్చేశారు సినిమా మేకర్స్ అయిన మైత్రి మూవీస్. బాలయ్య సినిమా వీర సింహారెడ్డి విడుదలైన మూడోరోజే చిరంజీవి వాల్తేరు వీరయ్య సినిమా థియేటర్లలోకి రానుంది. ప్రస్తుతం బాలయ్య సినిమా ఫుల్ కలెక్షన్లతో బాక్సాఫీస్ వద్ద సందడి చేస్తోంది. వాల్తేరు వీరయ్య రిలీజ్ తర్వాత పరిస్థితి ఎలా ఉంటుందో చూడాలి. మామూలుగానే బాస్ సినిమా బ్లాక్ బస్టరే.. దీనికి తోడు మాస్ మహరాజ్ రవితేజ ఈ సినిమాలో ఫుల్ లెంత్ క్యారెక్టర్ ప్లే చేయటంతో.. సినిమాపై హైప్ ఓ రేంజ్ లో ఉంది. రెండు సినిమాల్లోనూ శృతి హాసనే హీరోయిన్. బాస్ ప్లస్ మాస్ కాంబినేషన్ వర్కౌట్ అయితే.. ఈ సినిమా రికార్డులు బద్దలు కొట్టేయటం ఖాయం.