తాను గత కొంత కాలంగా గుండెంకు సంబంధించిన వ్యాధితో పాటు మరిన్ని అనారోగ్య కారణాలతో బాధపడుతున్నానంటూ రేణు దేశాయ్ ట్విటర్ ద్వారా వెల్లడించింది. ఆమె ఆరోగ్యానికి సంబంధించిన విషయాన్ని ఇప్పుడే ఎందుకు బయటపెట్టాల్సి వచ్చిందో కూడా క్లియర్ గా చెప్పింది రేణు. నేను చాలా కాలంగా గుండెకు సంబంధించిన వ్యాధితో పాటు మరికొన్ని అనారోగ్య కారణాలతో సతమతమవుతున్నాను. ఇప్పుడు ఈ విషయం చెప్పటానికి కారణం.. నాలా అనారోగ్య కారణాలతో బాధపడే వారికి ధైర్యం చెప్పటమే. మనం మన ధైర్యాన్ని ఎప్పుడూ కోల్పోకూడదు. జీవితంపై ఆశను, విశ్వాసాన్ని ఎప్పుడూ కోల్పోకూడదు. ఏ సమస్యనైనా నవ్వుతోనే ఎదుర్కోవాలి.. అంటూ ఆమె ట్విటర్ లో పోస్ట్ చేసింది. రేణు దేశాయ్ పోస్టు చూసిన అభిమానులు.. ఆమె త్వరగా కోలుకోవాలని కామెంట్లు చేస్తున్నారు.
గత కొంత కాలంగా టాలీవుడ్ హీరోయిన్లు తన అనారోగ్యానికి సంబంధించిన రహస్యాలను బయటపెడుతున్నారు. సమంత తాను మయోసైటిస్ తో బాధపడుతున్నట్టు వెల్లడించగా ఆ తర్వాత పలువురు హీరోయిన్లు తమ అనారోగ్యం గురించి అభిమానులతో షేర్ చేసుకున్నారు. బద్రి సినిమాతో టాలీవుడ్ కు పరిచయమైన రేణు దేశాయ్.. ఆ తర్వాత పవన్ కళ్యాణ్ ను ప్రేమ వివాహం చేసుకోవటం.. విడాకులు తీసుకోవటం జరిగిపోయాయి. ప్రస్తుతం రేణు ఇండస్ట్రీకి దూరంగా ఉంటూ సామాజిక కార్యక్రమాల్లో పాల్గొంటోంది.