బాలయ్య ముందు ఓపెన్ అయిన రాశీ ఖన్నా

విజయ్ దేవరకొండ.. ప్రస్తుతం ఈ పేరు చాలా మంది హీరోయిన్ల క్రష్. టాలీవుడ్ బాలీవుడ్ తేడా లేకుండా హీరోయిన్లందరి మనసుల్లో తిష్ట వేసిన విజయ్.. నేషనల్ క్రష్ గా మారిపోయాడు. కాఫీ విత్ కరణ్ దగ్గరి నుంచి.. అన్ స్టాపబుల్ దాకా.. చాలా మంది సెలబ్రిటీలు విజయ్ దేవరకొండ తమ క్రష్ అంటూ చెప్పటం కనిపిస్తూనే ఉంది. విజయ్ తమ క్రష్ అని చెప్పే హీరోయిన్ల జాబితాలో లేటెస్ట్ గా రాశీ ఖన్నా చేరిపోయింది. పెద్ద పెద్ద సెలబ్రిటీలతో భారీ బజ్ క్రియేట్ చేస్తూ సాగిపోతున్న బాలయ్య అన్ స్టాపబుల్ షో లో.. రాశి తన క్రష్ విజయ్ దేవరకొండ అని చెప్పేసింది. శ్రీదేవి కూతురు జాన్వీ కపూర్ నుంచి.. టాలీవుడ్ భామ రాశీ వరకూ ఈ మాట చెప్పిన హీరోయిన్లు చాలా మందే ఉన్నారు.

అలనాటి అందాల తారలు జయసుధ, జయప్రద ఇద్దరూ బాలయ్యతో అన్ స్టాపబుల్ షో కు వచ్చారు. వీళ్ళిద్దరితో పాటు రాశీ ఖన్నా కూడా మధ్యలో ఎంట్రీ ఇచ్చింది. లేటెస్ట్ గా రిలీజైన ప్రోమోలో ముగ్గురు హీరోయిన్లతో బాలయ్య సందడి చేశారు. ఈ కార్యక్రమంలోనే.. రాశీని నీ క్రష్ ఎవరు అంటూ అడిగిన ప్రశ్నకు రాశీ.. ఏమాత్రం ఆలోచించకుండా “ఐ థింక్ విజయ్ దేవరకొండ..!” అంటూ ఆన్సర్ ఇచ్చేసింది. దీంతో విజయ్ ఫాలోయింగ్ హీరోయిన్లలో ఏ రేంజ్ లో ఉందో అర్థమైపోతోంది.