సింగర్ స్మిత హోస్ట్ గా నిజం విత్ స్మిత పేరుతో ఓ సరికొత్త షో త్వరలోనే ప్రేక్షకుల ముందుకు రానున్న విషయం తెలిసిందే. అనౌన్స్ చేసిన నాటి నుంచీ మేకర్స్ ఈ షో కు సంబంధించిన ప్రోమోలు ఒక్కోటీ సోషల్ మీడియాలో రిలీజ్ చేస్తూ రేటింగ్ పెంచే ప్రయత్నం చేస్తున్నట్టు కనిపిస్తోంది. మొన్న సాయిపల్లవి కామెంట్లు సోషల్ మీడియాలో వైరల్ వీడియోగా మారగా.. ఇప్పుడు మెగాస్టార్ చిరంజీవికి సంబంధించిన ఓ వీడియో రచ్చ రచ్చ చేస్తోంది. ఈ వీడియోలో స్మిత అడిగిన ప్రశ్నలు.. చిరంజీవి ఇస్తున్న సమాధానాలు చర్చనీయాంశాలుగా మారాయి.
మీ కాలేజ్ క్రష్ ఎవరు అని స్మిత అడిగిన ప్రశ్నకు పాపం మెగాస్టార్ కాస్త ఆలోచనలో పడినట్టు కనిపిస్తోంది. స్టార్ డమ్ సాధించాలంటే అవమానాలు భరించాల్సిందేనా అన్న ఉద్దేశంతో స్మిత అడిగిన ప్రశ్నకు చిరంజీవి ఇచ్చిన సమాధానం హాట్ టాపిక్ గా మారింది. జగిత్యాలలో పూలవర్షం పడింది.. ఆ తర్వాత కోడిగుడ్లేసి కొట్టారు.. అంటూ చిరంజీవి ఇచ్చిన ఆన్సర్ మెగా అభిమానులకు టాపిక్ గా మారింది. నిజంగా చిరంజీవి జగిత్యాల వెళ్ళినప్పుడు ఆయనపై కోడిగుడ్లు విసిరారా.. విసిరితే అది ఎవరై ఉంటారు.. అసలు చిరంజీవి జగిత్యాలకు ఏపనిమీద వెళ్ళారు.. సినిమా ఫంక్షనా లేక పొలిటికల్ మీటింగా.. ఇన్ని ప్రశ్నలు అభిమానుల్లో సస్పెన్స్ క్రియేట్ చేస్తున్నాయి. సాధారణంగా ఇలాంటి షోలలో ప్రశ్నలు కాస్త సెన్సేషన్ క్రియేట్ చేసే విధంగానే ఉంటాయి. ఈ విషయం బాలకృష్ణ అన్ స్టాపబుల్ తో ప్రూవ్ అయ్యింది. మరి నిజం విత్ స్మిత షోలో ఇలాంటి ప్రశ్నలు ఎన్ని ఉన్నాయో.. వాటికి గెస్ట్ లు ఇచ్చిన ఆన్సర్స్ ఎలా ఉన్నాయో అన్న ఇంట్రస్ట్ క్రియేట్ అవుతోంది. షో స్ట్రీమింగ్ కు ముందే మంచి రేటింగ్ సొంతం చేసుకునే అవకాశముంది.