లేడీ సూపర్ స్టార్ నయనతార.. యంగ్ హీరోయిన్ మాళవిక మోహనన్ కు మధ్య మరోసారి వర్డ్ వార్ జరిగింది. మాళవికకు నయన్ ఫ్యాన్స్ ఫైరింగ్ కామెంట్లతో చుక్కలు చూపించారు. దీంతో వెనక్కి తగ్గిన మాళవిక.. నయనతార ఫ్యాన్స్ కు వివరణ ఇచ్చుకోవాల్సి వచ్చింది. ఇంతకూ.. అసలేం జరిగిందంటే..
మాళవిక కొత్త సినిమా క్రిస్టీ సినిమా ప్రమోషన్స్ లో భాగంగా మాళవిక ఓ చానల్ కు ఇంటర్వ్యూ ఇచ్చారు. ఈ ఇంటర్వ్యూలో ఆమె.. నాకు లేడీ సూపర్ స్టార్ అనేది నచ్చదు.. హీరోయిన్లను కూడా హీరోలతో సమానంగా చూడాలనేది నా ఫీలింగ్.. అంటూ స్టేట్మెంట్ ఇచ్చారు. దీంతో నయనతార ఫ్యాన్స్ రంగంలోకి దిగారు. మాళవిక పరోక్షంగా నయనతారనే కామెంట్ చేసిందంటూ నయన్ ఫ్యాన్స్ హర్ట్ అయ్యారు. దీంతో మాళవికను ట్రోల్ చేయటం మొదలుపెట్టారు. ట్రోలింగ్ తీవ్రస్థాయికి వెళ్ళటంతో ఈ ఎఫెక్ట్ క్రిస్టీ సినిమాపై పడుతుందేమోనని భయపడిన మాళవిక.. తానే స్వయంగా వివరణ ఇచ్చుకోవాల్సి వచ్చింది. నేను హీరోయిన్లందరినీ దృష్టిలో పెట్టుకొని ఈ కామెంట్లు చేశాను కానీ నయనతారను దృష్టిలో పెట్టుకొని చేయలేదు. నయనతార అంటే నాకు చాలా ఇష్టం. ఆమె నాకు సీనియర్. ఆమె యాక్టింగ్ నన్ను ఇన్ స్పైర్ చేస్తుంది. అంటూ క్లారిటీ ఇవ్వాల్సి వచ్చింది.
ఇంతకు ముందు కూడా మాళవిక ఇలాగే నయనతార గురించి కామెంట్లు చేసి నయన్ చేతుల్లో తిట్లు తినాల్సి వచ్చింది. నయన్ యాక్ట్ చేసిన ఓ సినిమా గురించి మాట్లాడిన మాళవిక.. సాడ్ సీన్లలో కూడా నయనతార ఫుల్ మేకప్ లో ఉందంటూ కామెంట్లు చేసింది. దీనికి కౌంటర్ ఇచ్చిన నయనతార.. కమర్షియల్ సినిమాకు ఆర్ట్ మూవీకి తేడా తెలుసుకుంటే మంచిది అంటూ మాళవికకు కౌంటర్ ఇచ్చింది.