సినిమా వేరు రాజకీయం వేరు.. ముఖ్యమంత్రి జగన్ ఆదేశిస్తే పవన్ కళ్యాణ్ పై పోటీ చేయటానికైనా రెడీ.. అంటూ సినీ నటుడు ఆలీ సంచలన వ్యాఖ్యలు చేశాడు. పవన్ తనకు మంచి మిత్రుడే.. అయినా సరే జగన్ పోటీ చేయమంటే చేస్తాను అంటూ స్టేట్మెంట్ ఇచ్చాడు. పార్టీ కార్యక్రమంలో పాల్గొని పర్యటిస్తున్న ఆలీ.. మీడియా ప్రతినిథులు అడిగిన ప్రశ్నకు సమాధానంగా ఇలాంటి వ్యాఖ్యలు చేశాడు. ఒక ఇంట్లో ఉన్న వాళ్ళంతా ఒకే పార్టీకి ఓట్లు వేయరనీ.. ఇది కూడా అలాంటిదేననీ చెప్పాడు.
ఇక రోజా గురించి అడిగిన ప్రశ్నకు సమాధానమిస్తూ.. రోజాను డైమండ్ రాాణి అన్నారనీ.. డైమండ్ చాలా విలువైనది.. ఖరీదైనది కాబట్టే ఆమెను డైమండ్ రాణి అన్నారనీ చెప్పాడు. మెగా ఫ్యామిలీతో రోజాకు మంచి సంబంధాలు ఉన్నాయనీ.. రాజకీయాల్లో విమర్శలు.. ప్రతివిమర్శలు సహజమనీ చెప్పాడు. తనకు పార్టీయే అన్నింటికంటే ముఖ్యమైనదనీ.. వచ్చే ఎన్నికల్లో ఏ నియోజకవర్గం నుంచైనా సరే పోటీ చేయటానికి సిద్ధంగా ఉన్నానన్నాడు. అయితే.. వచ్చే ఎన్నికల్లో ఆలీకి టిక్కెట్ ఇచ్చే అస్కారం ఉందా అనేది అసలు ప్రశ్న.