అక్కినేని నాగేశ్వర రావుపై బాలకృష్ణ చేసిన వ్యాఖ్యలు 3 రోజులుగా టాలీవుడ్ లో హాట్ టాపిక్ గా మారాయి. అక్కినేని వారసులు అఖిల్, నాగచైతన్య ట్విటర్ బాలయ్య వ్యాఖ్యలపై రియాక్ట్ కాగా.. నాగార్జున మాత్రం ఇంకా స్పందించలేదు. అయితే.. తాను చేసిన వ్యాఖ్యలపై బాలకృష్ణ క్లారిటీ ఇచ్చారు. ఎన్టీఆర్ ను ఎన్టీఓడు అంటారు ప్రేమతో.. అభిమానులు తమ హీరోలను రకరకాలుగా పిలుచుకుంటారు. ఆ మాత్రం దానికి తప్పులు తీస్తే ఎలా.. హర్ట్ అవ్వాల్సిన అవసరం ఏముంది.. నేను ఫ్లోలో మాట్లాడుతూ అలా అన్నానే తప్ప నాగేశ్వర రావు బాబాయ్ ను కించపరిచే ఉద్దేశం లేదు. అంటూ క్లారిటీ ఇచ్చారు.
నాన్న గారి తర్వాత తాను అమితంగా ప్రేమించేది నాగేశ్వర రావు బాబాయ్ నే అనీ.. తన పిల్లలకంటే తనపై ఏఎన్నార్ ఎక్కువ మమకారం చూపించేవారనీ చెప్పాడు బాలకృష్ణ. బాబాయ్ నుంచి చాలా నేర్చుకున్నాననీ.. పొగడ్తలకు పడిపోకుండా ఉండే గుణం ఆయనను చూసే నేర్చుకున్నాననీ చెప్పాడు. తాను మాట్లాడుతూ మాట్లాడుతూ ఆ మాట అన్నానే తప్ప.. కావాలని చేయలేదనీ.. అయినా ఎవరైనా హర్ట్ అయితే అది తనకు సంబంధం లేని విషయమనీ అన్నాడు.