తమిళ సెన్సేషన్ శింబు త్వరలో పెళ్ళి చేసుకోబోతున్నట్టు తెలుస్తోంది. శ్రీలంకకు చెందిన ఓ పెద్ద వ్యాపారవేత్త కుమార్తెను శింబు పెళ్ళి చేసుకోబోతున్నట్టు కోలీవుడ్ న్యూస్. కొద్ది రోజుల క్రితం ఓ పార్టీలో అమ్మాయితో శింబుకు పరిచయం ఏర్పడిందనీ.. ప్రస్తుతం ఆ పరిచయం ప్రేమగా మారి త్వరలోనే పెళ్ళి చేసుకోవాలని నిర్ణయించుకున్నట్టు సమాచారం. కానీ శింబు గానీ, అతడి కుటుంబ సభ్యులు గానీ ఈ విషయంపై అనౌన్స్ మెంట్ చేయలేదు. గతంలో శింబు నయనతార, హన్సికతో ప్రేమాయణం నడిపిన విషయం తెలిసిందే. నయన్, శింబు లవ్ స్టోరీ అప్పట్లో మోస్ట్ వైరల్ న్యూస్. ఇద్దరూ కలిసి దిగిన ఫోటోలు సౌత్ ఇండియాలో హాట్ టాపిక్ గా మారాయి. ఆ తర్వాత కొద్ది రోజులు హన్సికతో డేటింగ్ చేసిన శింబు.. తనకు కూడా బ్రేకప్ చెప్పేశాడు. కొద్ది రోజుల క్రితమే హన్సిక తన స్నేహితుడిని వివాహం చేసుకుంది.
శింబు కెరీర్ ఎప్పుడూ వివాదాస్ఫదంగానే ఉండేది. సినిమా ఇండస్ట్రీలోకి వస్తూనే అనేక కాంట్రవర్సీలను వెంట మోసుకొచ్చాడు శింబు. ఆ తర్వాత నయనతారతో ప్రేమాయణం వార్తలు శింబును నెగెటివ్ అయ్యేలా చేశాయి. ఆ తర్వాత హీరోయిన్లతో శింబు ప్రవర్తన గురించి పుకార్లు రావటం.. ఆ తర్వాత శింబు సినిమాలన్నీ వరుసగా ఫ్లాపులుగా మారటంతో సూపర్ స్టార్ స్థాయి నుంచి సినిమా ఆఫర్లే లేని స్థాయికి చేరుకున్నాడు శింబు. డ్రగ్ ఎడిక్ట్ అయ్యాడనీ.. ఇక శింబు కెరీర్ క్లోజ్ అనీ అంతా అనుకున్న తరుణంలో.. మానాడు సినిమాతో అందరికీ షాకిచ్చాడు శింబు. సరికొత్త లుక్ తో సరికొత్త కథతో బ్లాక్ బస్టర్ సొంతం చేసుకున్న శింబు.. ఇప్పుడు కమ్ బ్యాక్ అయ్యి మళ్ళీ స్టార్ అయ్యే ప్రయత్నాల్లో ఉన్నాడు.