విజయ్ హీరోగా తెరకెక్కిన వారిసు.. తెలుగులో వారసుడు సినిమా తమిళనాడులో రాష్ట్రవ్యాప్తంగా ఈ రోజు రిలీజైంది. ఫస్ట్ డే ఫస్ట్ షో కు వెళ్ళిన సినిమా యూనిట్.. ప్రేక్షకుల నుంచి భారీ స్పందన అందుకున్నారు. దర్శకుడు వంశీ పైడిపల్లితో పాటు మ్యూజిక్ డైరెక్టర్ తమన్, దిల్ రాజు ప్రేక్షకులతో కలిసి సినిమా చూశారు. సినిమా అనంతరం ప్రేక్షకుల నుంచి వస్తున్న రియాక్షన్ చూసి మ్యూజిక్ డైరెక్టర్ తమన్ ఎమోషనల్ అయ్యాడు. ప్రేక్షకుల అభిమానానికి కన్నీళ్ళు పెట్టుకున్నాడు. అక్కడే ఉన్న కొంత మంది దీన్ని వీడియో తీసి షేర్ చేయగా.. ప్రస్తుతం ఇది వైరల్ అయ్యింది.
సినిమా యూనిట్ పాటు అదే థియేటర్లో త్రిష కూడా వారిసు సినిమా చూసింది. సెలబ్రిటీలందరినీ ఒకేసారి చూసిన ప్రేక్షకులు థియేటర్లో చప్పట్లు ఈలలతో గోల గోల చేశారు. ముఖ్యంగా విజయ్ ఫ్యాన్స్ చేసిన హంగామాతో థియేటర్ దద్దరిల్లిపోయింది. ఇదే సినిమా వారసుడుగా తెలుగులో ఈరోజే విడుదల కావాల్సి ఉండగా.. అటు బాలయ్య వీరసింహారెడ్డి.. ఇటు చిరంజీవి వాల్తేరు వీరయ్య సినిమాలు రెండు రోజుల గడువుతో విడుదల అవుతుండటంతో.. దిల్ రాజు వారసుడు సినిమా విడుదల వాయిదా వేశారు.