తెలంగాణలో 2023-24 సంవత్సరానికి ఎంసెట్ తో పాటు వివిధ ఎంట్రన్స్ పరీక్షా తేదీలను తెలంగాణ విద్యాశాఖ మంత్రి సబితా ఇంద్రారెడ్డి విడుదల చేశారు. మే 7 వే తేదీ నుంచి జూన్ 1 వరకూ వివిధ పరీక్షల షెడ్యూల్ ను తెలంగాణ విద్యాశాఖ అధికారిక వెబ్ సైట్లో ఉంచింది. మే 7 నుంచి 11 వరకు ఇంజనీరింగ్ ఎంసెట్ పరీక్ష జరగనుంది. 12వ తేదీ నుంచి 14వ తేదీ వరకు అగ్రికల్చర్ మరియు ఫార్మా ఎంసెట్ పరీక్ష నిర్వహించనున్నారు. మే 18న బీఈడీ కోర్సు కోసం నిర్వహించే ఎడ్ సెట్ పరీక్ష, మే 20వ తేదీన ఇంజనీరింగ్ రెండో సంవత్సరంలోకి ప్రవేశించేందుకు రాసే ఈసెట్ పరీక్ష, మే 25వ తేదీన లాసెట్, పీజీ ఎల్ సెట్, మే 26, 27 తేదీల్లో ఐసెట్ పరీక్ష, మే 29 నుంచి జూన్ ఒకటవ తేదీ వరకు తెలంగాణ పీజీఈ సెట్ పరీక్ష నిర్వహించనున్నట్లు షెడ్యూల్ లో పేర్కొన్నారు.