దేశవ్యాప్తంగా కలకలం సృష్టించి చర్చనీయాంశంగా మారిన ఢిల్లీ లిక్కర్ కేసులో ప్రధాన నిందితుడు, ఢిల్లీ మాజీ డిప్యూటీ ముఖ్యమంత్రి మనీష్ సిసోదియాకు ఢిల్లీ హైకోర్టు మరోసారి షాకిచ్చింది. సిసోదియా బెయిల్ పిటిషన్ ను తిరస్కరించింది. ఈసారైనా బెయిల్ దొరుకుతుందేమని ఆశగా కోర్టుకు వచ్చిన సిసోదియాకు మళ్ళీ నిరాశే ఎదురైంది.
సాక్ష్యాలను ప్రభావితం చేసే అవకాశం ఉందంటూ సిసోదియా అపోజిషన్ నుంచి వచ్చిన వాదనతో ఢిల్లీ హైకోర్టు ఏకీభవిస్తూ బెయిల్ పిటిషన్ ను తిరస్కరించింది. ఢిల్లీలో అమలులో ఉన్న లిక్కర్ పాలసీని రద్దు చేసి సరికొత్త మద్యం విధానాన్ని రూపొందించి.. ప్రైవేటు వ్యక్తులకు లాభాలు వచ్చే విధంగా మరియు ప్రభుత్వ సొమ్మును దోచుకునే విధంగా కుంభకోణానికి పాల్పడ్డాడు అనేది మనీష్ సిసోదియా పై ఉన్న సీబీఐ నేరారోపణ. అలాగే అక్రమ లావాదేవీలు చేశాడంటూ మనీ లాండరింగ్ జరిగిందన్న ఆరోపణలపై ఎన్ఫోర్స్ మెంట్ డైరెక్టరేట్ కేసు పెట్టింది. సిసోదియాను ఈ కేసుల్లో పలు సార్లు సీబీఐ, ఈడీ అధికారులు విచారించారు.. అనంతరం అరెస్టు చేసి జైళ్ళో పెట్టారు.
ఢిల్లీ ముఖ్యమంత్రి అరవింద్ కేజ్రీవాల్ కు కూడా ఇందులో ప్రమేయం ఉన్నదని ఈడీ, సీబీఐ చెప్తున్నాయి. ఇదివరకే కేజ్రీవాల్ ను సీబీఐ అధికారులు విచారించారు కూడా. మద్యం కుంభకోణం ఆరోపణల నేపథ్యంలో కొద్ది రోజుల క్రితం ఢిల్లీ పాత మద్యం విధానమే కొనసాగుతుందంటూ ఢిల్లీ ప్రభుత్వం ఆదేశాలు జారీ చేసింది. అయితే.. అసలు లిక్కర్ పాలసీలో కుంభకోణమే జరగలేదనీ.. కేవలం కేంద్రంలోని బీజేపీ ప్రభుత్వం కావాలని తమను ఇరికించిందంటూ కేజ్రీవాల్ ఆరోపిస్తున్నాడు. గత కొద్ది రోజులుగా ఈ కేసు విచారణ గురించి ఎలాంటి వార్తలూ రాలేదు
